АҞӘА, хәажәкыра 2– Sputnik. Аладатәи аҳазалхратә усбарҭа апресс-маҵзура иаанацҳауеит аҵыхәтәантәи амчыбжь азы аҳәаа ишахыго 125 тонна рҟынӡа амимоза.
Апресс-маҵзура аҳәамҭала атауар документла аиҿкаара аамҭа аркьаҿразы ахархәара аҭоуп адекларациа амҩаԥгара.
Аҳазалхратә ҭыԥ "Адлер" аиҳабы Денис Воронин иазгәеиҭеит анаплакыҩцәа ирмариоу аҳазалхратә декларациа активла рхы ишадырхәо.
Аладатәи аҳазалхратә усбарҭа иазгәанаҭоит аҳазатә шәарақәа мҩаԥганы адекларациа знык ианхаурҭәаалак ишулшо атауар хәҭа-хәҭала аиагара.
Апресс-маҵзура иазгәанаҭоит Урыстәыла аԥсуа аалыҵ аганахьала зых иақәиҭу ахәаахәҭра арежим ахархәара шанаҭо.
"Арҭ атауарқәа рҟынтәи аҳазатә баџь ылырхуам. Ахархәара рымоуп аҩныҵҟатәи ашәахтәқәа рымацара" ҳәа аҳәоит адырраҟны.
Аԥсны Аҳәынҭқарратә аҳазалхратә еилакы ахантәаҩы ихаҭыԥуаҩ Ушьангьи Кәыҵниа иазгәеиҭеит жәабранмзазы 131 тонна 768 кьыла аҳәаа ишахыго.
