Гыцба: Ҟарачы-Черқьесск абаза бызшәа шыддырҵо ҭаҳҵааит

© Sputnik / Томас ТхайцукИнар Гицба
Инар Гицба - Sputnik Аҧсны
Анапаҵаҩра
Аԥсуа-абаза жәлар Рассоциациа Амаӡаныҟәгаҩ Инар Гыцба Sputnik аинтервиу аҭо далацәажәеит Аԥснытәи аделегациа Ҟарачы-Черқьесск аҟазаара атәы.

АҞӘА, жәабран 16 – Sputnik, Бадраҟ Аҩӡба. Аделегациа аиашьаратә республикаҿы иҟанаҵы абаза бызшәа аҵашьа апроцесс иашьклаԥшуан, иҭырҵаауан, ашколхәыҷқәа жәлар рҟазара рнапы шалаку рбон, иаҭааит Муҳамед Туков иаԥиҵаз аетнографиатә музеи.

"Аусура аҳәаақәа ирҭагӡаны ҳаҟан абаза аулқәа: Ельбург, Инжич-Чукун, Псыж рыҟны. Уа ҳара иҳаман аҭагылазаашьа ауааԥсыреи Ахадарақәа рнапхгаҩцәеи ҳрацәажәарц, ашколқәеи ахәыҷбаҳчақәеи ҳарҭаарц. Инарҵауланы адыррақәа ҳарҭеит имҩаԥырго апроектқәа рганахь ала", — иҳәеит Гыцба.

VII съезд Конгресса Абхазо-абазинского народа в Сухуме - Sputnik Аҧсны
Адунеизегьтәи аԥсуа-абаза конгресс VII аизара ду Аҟәа иаатит

Аԥснытәи аделегациа Ҟарачы-Черқьесск иҟан жәабран 12 — 14 рзы, Аԥсуа-абаза жәлар Рконгресс Иреиҳаӡоу ахеилак ахантәаҩы Мусса Екзеков инаԥхьарала.

"Аԥхьатәи амш азы ҳара ҳалахәын Мусса Екзеков афинанстә цхыраара зиҭаз, иқыҭа гәакьа Красныи Восток (Гумлокт) аҟны аспорттә комплекс аартра. Абри ауснагӡатә иалахәын ареспублика Ахада Рашид Темрезов, аиҳабыра алахәылацәа, адепутатцәа, араионқәа рхадацәа, ауаажәларра", — ҳәа еиҭеиҳәоит Гыцба.

Иара ҷыдала иазгәеиҭеит аԥсуа-абаза етнос аҿиара ацхырааразы еиҿкаау Жәларбжьаратәи аидгыла "Алашара" еиҳа-еиҳа ауаа ишрылаҵәо.

"Ҳныҟәара аан ҳара иара убасгьы, ҳалахәын аԥсуа-абаза етнос аҿиара ацхырааразы еиҿкаау Жәларбжьаратәи аидгыла "Алашара" аусура, абаза уаажәларратә еиҿкаара "Аԥсадгьыл" аусура. Иара убасгьы ҳалацәажәеит Аԥсуа-абаза жәлар Рконгресс ԥхьаҟатәи аусура атәы, ҳарзааҭгылеит еиуеиԥшым амшхәаԥштә азҵаарақәа", — иҳәеит иара.

Аделегациа иалахәын Аԥсуа-абаза жәлар Рконгресс аинформациатә портал анапхгаҩы Амина Лазԥҳа, Москватәи аԥсуа диаспора аиҳабы Беслан Агрба, Урыстәылатәи Афедерациаҟны Аԥсны ахәаахәҭратә хаҭарнакс иҟоу Олег Барцыц.

Ажәабжьқәа зегьы
0