13:41 24 Хәажәкыра 2019
Ишиашоу ицо аефир
  • USD63.77
  • EUR72.59
Линии электропередач

Афымцамчаз азакәан аинвестициақәа ирԥырхагоуп

© Sputnik / Сергей Мальгавко
Аԥсны
Икьаҿу ахьарԥш аиура
"Амшынеиқәафымцамч" аусура (9)
20 0 0

Аԥсны афымцамчтә система аиҭашьақәыргылара аинвестициақәа аҭахны иҟоуп. Урҭ радыԥхьалара алшоит "Афымцамчаз" азакәан ԥсаххар.

АҞӘА, мшаԥы 12— Sputnik. Аԥсны афымцамчтә система аиҭашьақәыргылараз аинвестициақәа радыԥхьалара алшоит ииасыз ашықәс азы ирыдыркылаз "Афымцамчаз" азакәан ԥсаххар.

Уажәы Аҟәеи Урыстәылеи рыбжьара аиҿцәажәарақәа мҩаԥысуеит иҳәеит Аԥсны Жәлар Реизара жәларбжьаратәии апарламентбжьаратәии еимадарақәеи аџьынџьуаа рымадареи рзы аилак ахантәаҩ ихаҭыԥуаҩ Асҭамыр Логәуа. Иахьатәи аамҭазы аус зуа азакәан иҟоу аҭагылазаашьа иақәшәом ҳәа иԥхьаӡоит иара. 

"Иҟоу аҭагылазаашьа аԥсахра алшоит аҳәаанырцәтәи аинвестициақәа рааԥхьара мацарала. Аха аус зуа азакәанԥҵара уи алнаршом. Урыстәыла азыхиоуп ахатәы харџьқәа рыла аихшаратә ҳа ацәаҳәа ҿыц аргылара азҵаара алацәажәара. Уажәы Аҟәеи Урыстәылеи абри азҵаара иалацәажәоит, иара убасгьы иалацәажәоит афымцамч аинфраструктура шьаҭанкыла аиҭакра азҵаарагьы", — иҳәеит Логәуа.

Афымцамчтә система ареспубликаҿы акыр иқәсуп, аҳақәа ракәзар, иахьажәу иахҟьаны абонентцәа рҟынӡа афымцалашара ишахәҭоу ирызнагом. Аекспертцәа ргәаанагарақәа рыла ауааԥсыра ирцәыӡуеит 40 процент рҟынӡа афымцалашара. Атәыла аенергетикатә инфраструктура арҿыцразы аԥаразоужьра маҷымкәа иаҭахуп.

Аԥсны афымцамчтә система аиҭашьақәыргылараз аинвестициақәа радыԥхьалара алшоит ииасыз ашықәс азы ирыдыркылаз "Афымцамчаз" азакәан ԥсаххар ҳәа агәаанагара имоуп адепутат.

АУН "Амшынеиқәафымцамч" адыррақәа рыла Аԥсны афымцамч ахархәара есышықәса 5-9% рыла еиҳахоит.

Атемақәа:
"Амшынеиқәафымцамч" аусура (9)

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    22
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    64
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55