14:04 24 Хәажәкыра 2019
Ишиашоу ицо аефир
  • USD63.77
  • EUR72.59
Боксерские перчатки на стене

Аԥснытәи абоксиор Санкт-Петербургтәи атурнир аҿы аиааира игеит

© Depositphotos / Sergey Nivens
Аԥсны
Икьаҿу ахьарԥш аиура
34 0 0

СССР аспорт азҟаза, Урыстәыла зҽаԥсазтәыз азыҟаҵаҩ Борис Хесин игәалашәара иазкыз абокс азы Урыстәылазегьтәи атурнир мҩаԥысит Санкт-Петербург, мшаԥы 11-15 рзы.

АҞӘА, мшаԥы 16 – Sputnik, Амра Амҷԥҳа. Аԥснытәи абоксиор Алиас Леиба аиааира игеит Борис Хесин игәалашәара иазкыз Урыстәылазегьтәи атурнир аҿы. Абри атәы Sputnik иазеиҭеиҳәеит абокс азы ареспубликатә хәыҷтәы-қәыԥштә школ адиректор Альберт Карди оглы.

Санкт-Петербургтәи атурнир иалахәын Гәдоуҭатәи аспорттә школ ааӡамҭацәа ԥшьҩык. Урҭ азыҟарҵоит: Алиас Агрбеи Арнольд Гәбази.

"Аԥснынтәи ҳаспортсменцәа ԥшьҩык алахәын атурнир, рыԥшьҩыкгьы аԥыжәарақәа ргеит", — иҳәеит Карди оглы.

Аҩбатәи аҭыԥ ааникылеит Баграт Хомченко, ахԥатәи аҭыԥқәа ааныркылеит Марат Есавеи Ҳаџьараҭ Кардиеи.

"Алиас Леиба абокс инапы алакуижьҭеи 5-шықәса ҵуеит. Аҵыхәтәантәи аамҭақәа рзы ибзиаӡаны ихы ааирԥшуеит. Аԥеиԥш бзиа иманы даабоит", — иҳәеит абокс азы ареспубликатә хәыҷтәы-қәыԥштә школ адиректор Альберт Карди оглы.

Иара иазгәеиҭеит акласс "Б" иаҵанакуа атурнир аҿы ииааиз Урыстәыла аспорт азҟазарахь акандидат ҳәа дшыршьо.

"Алиас Леиба уажәшьҭарнахыс Урыстәыла аспорт азҟазарахь акандидат ҳәа дшьоуп", — иҳәеит Карди-оглы.

Аляс Лейба победил на Всероссийском турнире в Санкт-Петербурге
Предоставлено: Алик Карди оглы
Аляс Лейба победил на Всероссийском турнире в Санкт-Петербурге

СССР аспорт азҟаза, Урыстәыла зҽаԥсазтәыз азыҟаҵаҩ Борис Хесин игәалашәара иазкыз абокс азы Урыстәылазегьтәи атурнир мҩаԥысит Санкт-Петербург, мшаԥы 11-15 рзы. Атурнир иалахәын 200-ҩык рҟынӡа аспортсменцәа.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    26
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55