14:37 24 Хәажәкыра 2019
Ишиашоу ицо аефир
  • USD63.77
  • EUR72.59
Первый турнир по боксу среди юношей и юниоров в городе Ткварчал

Тҟәарчал имҩаԥысит ахәыҷқәеи ақәыԥшцәеи рыбжьара абокс азы атурнир

© Фото : Алик Карди оглы
Аԥсны
Икьаҿу ахьарԥш аиура
9 0 0

Тҟәарчал имҩаԥысыз ахәыҷқәеи ақәыԥшцәеи рыбжьара абокс азы атурнир иалахәын 78-ҩык аспортсменцәа.

АҞӘА, мшаԥы 17– Sputnik, Бадраҟ Аҩӡба. Тҟәарчал имҩаԥысыз ахәыҷқәеи ақәыԥшцәеи рыбжьара абокс азы раԥхьатәи атурнир иалахәын 78-ҩык аспортсменцәа иҳәеит Sputnik аинтервиу азҭаз Аԥсны апрофессионалтә бокс Афедерациа апрезидент Альберт Карди оглы.

"10-18 шықәса зхыҵуаз ахәыҷқәеи ақәыԥшцәеи еизеит атурнир иалахәхарц. Аиндаҭларақәа реихшьаалақәа мҩаԥганы ҳара далаҳкааит иреиӷьу абоксиор Ихраҿа заҭәаҳшьаз, 14 шықәса зхыҵуа Анри Аршба", — иҳәеит иара.

Иара иазгәеиҭеит аицлабра аиҿкаара ҳаракы аманы ишыҟаз.

"Аицлабрақәа мҩаԥысуан Тҟәарчалтәи аспорттә школ ахыбраҿы. Арахь иааит ахәаԥшыҩцәа жәпаҩык, ақалақь Ахадара ахаҭарнакцәа. Атурнир ашьҭахь иҳамаз аилацәажәараҿы ҳара ишьақәҳарӷәӷәеит есышықәса Тҟәарчал имҩаԥаагаларц иаарту аиндаҭларақәа", — иҳәеит Аԥсны апрофессионалтә бокс Афедерациа апрезидент Альберт Карди оглы.

Атурнир иалахәын ареспублика ақалақьқәеи араионқәеи рҟынтәи аспортсменцәа. Иара еиҿкаан Тҟәарчал ақалақь Ахадара аҿари аспорти рзы Аилаки абокси атлетика ласи рзы ахәыҷтәи ақәыԥштәи республикатә школи рыцхыраарала.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    31
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55