АҞӘА, мшаԥы 24 – Sputnik, Бадри Есиава. Аилацәажәараҿ Урыстәыла ақыҭанхамҩа аминистрра адепартамент адиректор Петр Чекмарев иҳәеит 6-миллиард мааҭ инаӡаша ахарџь аԥырҟәҟәаауп ҳәа.
"Аҟазауаа рдыррақәа рыла Аԥсны 25 000 ҩны гәаҭаны 4,2 тонна амармалташь пты еизыргеит. Ҳара ҳаицхырааны 6-миллиард мааҭ инаӡаша ахарџь аԥҳарҟәҟәааит", — иҳәеит иара.
Чекмарев иазгәеиҭеит Аԥснытәи Урыстәылатәи аҟазауаа есыҽны аҳасабырбақәа шымҩаԥырго Аԥсны аҵакыраҿы ицо ауснагӡатәқәа рзы. Аиҳарак амармалташь пты еизгоуп Гал араион аҿы – 2,5 тонна, Гагра араион аҿы – тоннак, Очамчыра араион аҿы 600 кьыла.
Петр Чекмарев инаҵшьны иазгәеиҭеит ауааԥсыра аус рыдулареи иахәҭаны иҟаз аинформациа рыҭареи аҵак ду аманы ишыҟаз.
Апты аанаҳамкылар, Аԥснеиԥш Краснодартәи атәылаҿацәгьы шәырда уҭраҭыхда инхар алшоит иҳәеит иара.
Амшын еиқәа иаԥну атәылақәа рҿы апты цәырҵит ԥшьышықәса раԥхьа.
