Аԥсны ирыԥшааит асовет еибашьҩы ижырҭа

© Фото : Предоставлено Александром ГузевымМогила Ивана Филоненко
Могила Ивана Филоненко - Sputnik Аҧсны
Анапаҵаҩра
Урыстәыла атәылауаҩ хәышықәса инарзынаԥшуа аилкаара дашьҭан Аџьынџьтәылатә еибашьра Дуӡӡа аан иҭахаз иаб иашьа ижырҭа.

АҞӘА, лаҵара 10 – Sputnik. Урыстәыла атәылауаҩ Александр Гурев, хәышықәса инарзынаԥшуа аилкаара дашьҭан Аџьынџьтәылатә еибашьра Дуӡӡа аан иҭахаз иаб иашьа Иван Филоненко ижырҭа.

Берлин. Вид на Рейхстаг. Архивное фото. - Sputnik Аҧсны
Днаӡеит Берлинынӡа: аибашьра аветеран Даҭа Ҭарба аҭҟәараҟнытә иҽшиӡаз аҭоурых

Иван Филоненко 1942 шықәса рзы Санчара иахьаҵанакуа имҩаԥысуаз аибашьраан дҭахоит. Убри аахыс ишьақәыргыламызт аибашьҩы анышә дахьамадаз аҭыԥ.

Хәышықәса раԥхьа Александр Гурев иаб иашьа ижырҭа аԥшаара нап алеикит, уаанӡа иуацәа-иҭынхацәа уи изныкымкәа рыҽшазыршәахьазгьы. Сынтәа, Аиааира амшныҳәа аламҭалаз асоциалтә ҳа "Одноклассники" аҟны иаб иашьа изкыз аинформациа имԥыхьашәеит.

"Одноклассники" аҿы иаԥҵоу агәыԥ аҟны афотосахьақәа шеимыздоз саб иашьа ихьӡи ижәлеи сымԥыхьашәеит", — иҳәоит иара.

Асоциалтә ҳаҿы адаҟьа аԥнаҵеит хабарда ибжьаӡыз рыԥшаара еиҿызкаауа аекспедициатә гәыԥ.

Николаи Медвенски, Аԥсны Ахьӡ-аԥша амузеи адиректор лхаҭыԥуаҩ, абри агәыԥ аиҿкааҩцәа дыруаӡәкуп.

"2017 шықәса ԥхынгәымзазы Ԥсҳәы игыло аҳәаахьчаратә архәҭа аиҳабы иаҳирбеит 1942 шықәсазы иҭахаз 25-тәи аполк асолдаҭцәа анышә иахьамадоу аҭыԥ. Ҳара афотосахьақәа аинтернет иҭаҳҵеит. Лаҵара 7 рзы Александр иҟынтәи ашәҟәы соуит, исзиҩит аԥсыжырҭаҿ иану ахьӡқәа рҟны иаб иашьа ихьӡгьы шаҳәо", — ҳәа еиҭеиҳәеит Медвенски.

Николаи Александри еилацәажәеит Аԥсны еиқәшәаразы, нас, Ԥсҳәы иаҭааразы.

Александр иажәақәа рыла Иван Филоненко дахьатәыз Украина инхо иуацәа иаразнакы адырра риҭеит. Сынтәа аԥхынра Александр игәҭакуп 16 шықәса зхыҵуа иԥа диманы иаб иашьа анышә дахьамадоу аҭыԥ дазаарц.

Ажәабжьқәа зегьы
0