06:16 22 Жьҭаара 2018
Ишиашоу ицо аефир
  • USD65.81
  • EUR75.32
Боксер Игорь Адлейба

Игор Адлеибеи ақырҭуа спортсмени еиндаҭлоит

© Фото : предоставлено: Игорем Адлейба
Аԥсны
Икьаҿу ахьарԥш аиура
19 0 0

Апрофессионалтә бокс ахәылԥаз мҩаԥысуеит Екатеринбург, ԥхынгәы 14 рзы ҳәа Sputnik иазеиҭеиҳәеит 20-шықәса зхыҵуа Аԥснытәи абоксиор Игор Адлеиба.

АҞӘА, ԥхынгәы 5 – Sputnik, Бадри Есиава. Апрофессионалтә бокс ахәылԥаз мҩаԥысуеит Екатеринбург, ԥхынгәы 14 рзы. Араҟа еиԥылараны иҟоуп Аԥснытәи абоксиор Игор Адлеибеи Қырҭтәылатәи аспортсмен Мераб Туркадзеи.

"Сара дсындаҭлараны дыҟоуп ақырҭуа спортсмен Мераб Туркадзе. Иара 29 шықәса ихыҵуеит. Бжьынтәтәи иқәгылараҟынтә хәынтә аиааира игахьеит. Сара макьаназы хынтә роуп сахьықәгылахьоу. Ҳакапантә категориа 63, 5 кьыла иаҵанакуеит. Аиааира згар среитинг шьҭыҵуеит", — иҳәеит Адлеиба.

Иагьазгәеиҭеит ипрофессионалтә кариераҿ асеиԥш аԥышәа змоу уаанӡа дшимеисац. Игор уажәы ҽазышәарыла аҽазыҟаҵарақәа дырҿуп.

Игор Адлеиба — Аԥсны изныкымкәа дачемпионхахьеит, жәларбжьаратәи аиндаҭларақәа рҟны аиааирақәа игахьеит.

Ихадоу атемақәа