06:40 18 Жәабран 2019
Ишиашоу ицо аефир
  • USD66.70
  • EUR75.25
Студенты в АГУ

Озган: Аԥсны арҵаҩцәеи агрономцәеи азхаӡом

© Sputnik / Томас Тхайцук
Аԥсны
Икьаҿу ахьарԥш аиура
15 0 0

Аԥснытәи аҵараиурҭақәа рахь арзаҳалқәа рыдыркылоит ԥхынгәы 14 рҟынӡа.

АҞӘА, ԥхынгәы 13 – Sputnik, Асмаҭ Ҵәыџьԥҳа. Аԥснытәи Аҳәынҭқарратә университет сынтәа аҳәынҭқарратә ҿаҵа иазоунажьуеит 346 ҭыԥ лҳәеит радио Sputnik аинтервиу азҭаз адкыларатә комиссиа аҭакзыԥхықәу амаӡаныҟәгаҩ Ева Озган.

Озган лажәақәа рыла 75 % арҵаҩратәи ақыҭанхамҩатәи хырхарҭа рыҭоуп. Абарҭ аусхкқәа рҟноуп азанааҭуаа разымхара ахьыҟоу ҳәа лҳәоит лара.

Традициак аҳасаб ала аԥснытәи астудентцәа аиҳарак рхы азыркуеит аекономикеи азиндырреи.

"Еснагь еиԥш сынтәагьы ҳабитуриентцәа еиҳарак рхы азыркуеит аекономикеи азиндырреи. Ус шакәугьымакьаназ адокументқәа рыдкылара ҳаҿуп. Аҭагылазаашьа аҽеиҭанакыр алшоит", — лҳәоит Озган.

Аԥснытәи аҵараиурҭақәа: Аҳәынҭқарратә университети Иаарту Аҟәатәи аинститути рахь арзаҳалқәа рыдыркылоит ԥхынгәы 14 рҟынӡа.

Иаарту Аҟәатәи аинститут аҿа ахырхарҭақәа аабы рыла адокументқәа рыдыркылоит. Арахь иаҵанакуеит: "Бухучет", "Мировая экономика", "Агроэкономика", "Налоги и налогообложение", "Юриспруденция", "Таможенное дело", "Туризм и гостиничное дело", "Бизнес-информатика".

Аректор Валери Кәарҷиа иажәақәа рыла абитуриентцәа рдыррақәа акыр илаҟәуп. Урҭ рыцхырааразы сынтәа иаартын азыҟаҵаратә курсқәа.

Араҟа аҵара ахәԥса иартәоит 40 000 мааҭ рҟынӡа шықәсык азы.

Хәыда-ԥсада аҵара азин рымоуп зани заби ыҟам, ахьтәи аразни медалқәа рыла ашкол иалгаз. Иара убри аан аԥышәарақәа зегьы "хәба" ҳәа иҭитәуп.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    456
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110