13:13 20 Жьҭаара 2018
Ишиашоу ицо аефир
  • USD65.81
  • EUR75.32
Фотовыставка Ибрагима Чкадуа и Владимира Попова посвященная десятилетию признания независимости

Аԥсуа фотосахьаҭыхыҩцәа русумҭақәа шәачатәи ажурналистцәа рфорум аҿы ицәыргоуп

© Sputnik / Томас Тхайцук
Аԥсны
Икьаҿу ахьарԥш аиура
9 0 0

Ажурналистцәа рфорум "Вся Россия – 2018" аҿы аԥсуа фотосахьаҭыхыҩцәа русумҭақәа цәыргоуп. Афорум мҩаԥысуеит жьҭаара 6-12 рзы.

АҞӘА, жьҭаара 10 – Sputnik. Аԥсуа фотосахьаҭыхыҩцәа Владимир Попови Ибрагим Чкадуеи русумҭақәа ӡырган ажурналистцәа рфорум "Вся Россия – 2018" аҿы. Абри атәы Sputnik акорреспондент изеиҭеиҳәеит Ибрагим Чкадуа.

"Шәачатәи афорум ахь ицәыргоуп Урыстәыла Аԥсны ахьыԥшымра 10-шықәса ахыҵры иазку астенд "Азхаҵара аныҳәеи", "Аԥсны – Аԥсантәылеи", – иҳәеит иара.

Астенд "Азхаҵара аныҳәа" ианыԥшуеит аибашьра ашьҭахьтәи Аԥсны аԥсҭазаара. Афотоҭыхыҩцәа 25 шықәса аҭоурых иазынрыжьуаз акадырқәа ахәаԥшыҩцәа ирыдгалоуп: Владислав Арӡынбеи Борис Ельцини реиԥылара инаркны ашьапылампыл азы CONIFA 2016 шықәсазтәи ачемпионат аҟынӡа.

Аҩбатәи астенд "Аԥсны — Аԥсантәыла" аҿы ицәыргоуп Аԥсны аҭыԥ ԥшӡарақәа.

Ажурналистцәа рфорум "Вся Россия – 2018" мҩаԥысуеит жьҭаара 6-12 рзы. Иара иалахәуп 1200-ҩык рҟынӡа ажурналистцәа.

Афорум иалахәуп Аԥсны ажурналистцәа Реидгыла ахантәаҩы Руслан Ҳашыги ихаҭыԥуаҩ Зураб Аргәыни.

Ихадоу атемақәа