01:28 15 Абҵара 2018
Ишиашоу ицо аефир
  • USD68.00
  • EUR76.76
Отдых туристов в Абхазии

Амҩатә машәырқәа жьҭаарамзазтәи рыстатистика

© Sputnik Томас Тхайцук
Аԥсны
Икьаҿу ахьарԥш аиура
13 0 0

Аԥсны Аҩныҵҟатәи аусқәа рминистрра асаит аофициалтә дыррақәа рыла, 2018 шықәса жьҭаарамзазы амҩатә машәырқәа еилагоуп ҳәа 4629 ҳәахьанҵа мҩаԥган, урҭ рҟынтәи 259 - амашьына аԥсҟы арыжәтә ыжәны акразы.

Sputnik

Жьҭаарамзазы арыжәтә ыжәны аԥсҟы зкыз рхыԥхьаӡара еиҳа еиҳахеит. Цәыббрамзазы ҩышәҩык иреиҳамзар, уажәы иаанкылаз 259-ҩык ыҟоуп. Аҳәахьанҵақәа рзеиԥшхыԥхьаӡара 16% рыла ишьҭыҵит.

Абри амзазы Аҟәа ақалақь аҿы иаанкылан 85-ҩык амашьынарныҟәаҩцәа. Аҟәа иашьҭанеиуеит Гәдоуҭа, нас Гагра.

Аҟәа араион аҿы акәзаргьы уаанӡа амза аҩныҵҟа арыжәтә ыжәны амашьына иақәтәоз рхыԥхьаӡара жәаҩык имнаӡозар, уажәы жәаҩаҩык аанкылан. Тҟәарчали Гали араионқәа удыргәырӷьартә иҟан. Уа иаанкылан хҩык; хәҩык.

Иџьоушьаша, арыжәтә ыжәны аԥсҟы зку рықәрақәа урыхәаԥшуазар, урҭ 50 шықәса иреиҳау роуп. Цәыббрамзазы шамахамзар иааныркылоз 35 — 40 шықәса зхыҵуаз ракәын.

Ихадоу атемақәа