Аԥсны Женеватәи аиҿцәажәарақәа рахь инанагеит адокумент ҿыц

CC0 / / Дворец Нации. Женева.
Дворец Нации. Женева. - Sputnik Аҧсны
Анапаҵаҩра
Женеватәи жәларбжьаратәи аиҿцәажәарақәа изаамҭанытәиу 46-тәи араунд мҩаԥысит ԥхынҷкәын 12 рзы.

АҞӘА, ԥхынҷкәын 13– Sputnik, Бадраҟ Аҩӡба. Аԥснытәи адипломатцәа адгалара арҭеит амч ахамырхәаразы адокумент ҿыц апроект ҳәа иҳәеит Sputnik аинтервиу азҭаз, Аԥсны Адәныҟатәи аусқәа рминистр ихаҭыԥуаҩ Иракли Ҭыжәба, 46-тәи Женеватәи жәларбжьаратәи аиҿцәажәарақәа рраунд амҩаԥысшьа аихшьаалақәа азуа.

"Апроект аиҿцәажәарақәа ирылахәыз зегьы ирыҭан иахәаԥшырц, аха ари араунд аҿы иара иныҭкааны алацәажәара ҳзалмыршеит, алахәылацәақәак адокумент еиҳа мыццакрада, инарҵауланы иҭҵаатәуп ҳәа ҿарԥас иахьыҟарҵаз азы", — иҳәеит Ҭыжәба.

Ҳаилацәажәеит абри аганахь ала аусура иааиуа араунд аҿы имҩаԥаагарц иҳәоит адипломат.

"Традицилеиԥш аусутә гәыԥ аусура аԥхьатәи амш азкын ашәарҭадара иадҳәалоу азҵаарақәа рылацәажәара, иаҳҳәап Гал араион аҿы. Иара убасгьы азхьаԥшра ду аҳҭеит амч ахамырхәаразы ҿырҳәалатәи аҳәамҭа аицыҟаҵараз атекст азҵаара", — ҳәа еиҭеиҳәоит иара.

Аԥсны ахада Женеватәи аиҿцәажәарақәа рыцхантәаҩцәа идикылеит - Sputnik Аҧсны
Аԥсны ахада Женеватәи аиҿцәажәарақәа рыцхантәаҩцәа идикылеит

Иракли Ҭыжәба иажәақәа рыла, аԥснытәи аган Гал иҟоу аҭагылазаашьа ҭышәынтәалоуп ҳәа иашьоит.

"Убри аан иазгәаҭан аҵыхәтәантәи аамҭазы азин рымамкәа ауаа аҳәаа рахысра аҭыԥ шамоу, урҭ аҳәаахьчаҩцәа ишааныркыло, Қырҭтәыла аганахь ала аҳәаа аусура арежим шеилагоу", — иҳәеит аминистр ихаҭыԥуаҩ.

Уи адагьы аԥсуа ган хьаала иалацәажәеит Қырҭтәыла арратә потенциал аизырҳара апроцесс ҳәа иҳәоит иара.

"Зыӡбахә ҳамоу Америкеи Қырҭтәылеи, НАТО-и Қырҭтәылеи реинырроуп. Зегьы еицырдыруеит Қырҭтәыла лассы-лассы ишымҩаԥырго НАТО арратә ҽазыҟаҵарақәа, аҽазыҟаҵарақәа раан ахархәара шрымоу хыԥхьаӡара рацәала аруааи, арратә техникеи, авиациеи", — ҳәа далацәажәоит Ҭыжәба.

Уи адагьы иазыԥхьагәаҭоуп Вазиани арратә ҳаиртә баӷәаза аиҭашьақәыргылара, ара аусура иалагоит арратә ҟәшақәа разыҟаҵарҭа ацентр.

"Лугаратәи абиологиатә лабораториагьы иалацәажәан, иазгәаҭан аԥсуа ган азы уи агәҭынчымра шарҿиаз", — иҳәеит Иракли Ҭыжәба.

Аԥснытәи аган аҳәамҭа ҟанаҵеит Қырҭтәыла имҩаԥнаго аусқәа Аахыҵ Кавказтәи арегион азы аҭынчреи ашәарҭадареи ирԥырхагоуп ҳәа.

Женеватәи аиҿцәажәарақәа изаамҭанытәиу рраунд азыԥхьагәаҭоуп мшаԥымза 2-3, 2019 шықәса рзы.

Ажәабжьқәа зегьы
0