АҞӘА, ажьырныҳәа 11 - Sputnik. Ахылаԥшра-аушьҭырҭатә ҭыԥ "Адлер" аҿы урыстәылатәи аҳәаахьчаҩцәа асигарет контрабандала аиагара аԥдырҟәҟәааит ҳәа аанацҳауеит Краснодартәи атәылаҿацә аҿы Урыстәыла АШәМ аҳәаахьчаратә Усбарҭа апресс-маҵзура.
750 ҭоԥ аҭҭын аалыҵ рыԥшааит 34 шықәса зхыҵуа Краснодартәи атәылаҿацә ауаҩԥсы иавтомашьынаҿы ҳәа аанацҳауеит амаҵзура.
Аҳәаахьчаҩцәа ирыԥшааз аалыҵ аҭҵааразы аекспертизахь инашьҭуп, уи алкаақәа рыла Шәачатәи аҳазалхра аусзуҩцәа апроцессуалтә ӡбара рыдыркылараны иҟоуп.
