Аԥснытәи ахәышәтәырҭақәа реиҳарак афымца арцәара иазыхиан

© Sputnik / Томас ТхайцукМедицина
Медицина - Sputnik Аҧсны
Анапаҵаҩра
ЕгрыГЕС зынӡа аусура аанкыламхарц азы Аԥсны иахьаҵанакуа  жәабран 20 инаркны афымцалашара дырцәалоит ҳәа аанацҳаит "Амшынеиқәафымцамч" апресс-маҵзура.

АҞӘА, жәабран 20 – Sputnik, Сариа Кәарцхьиаԥҳа. Аԥсны ахәыәшәтырҭақәа аштаттә режим ала аус шыруц ирулоит афымцалашара арцәараан ҳәа Sputnik иазеиҭарҳәеит ахәышәтәырҭақәа рҳақьым хадацәа.

Ареспубликатә хәышәтәырҭаҿы ирымоуп рхатәы генератор.

"Аамҭа-аамҭалатәи афымцалашара арцәара ҳԥырхагам, ҳхатәы генератор ҳамоуп. Афымцарцәара аамҭа еиҵыххар абылтәы ҳаԥшаауеит. Проблема ҳамаӡам. Ахшараиурҭаҿгьы усоуп ишыҟоу, иаку комплексуп", - ҳәа иҳәоит ахәышәтәырҭа аҳақьым хада Аполлон Гәыргәылиа.

Аҭагылазаашьа абас ауп ишыҟоу Гәдоуҭатәи араионтә хәышәтәырҭаҿгьы. Аҳақьым хада Ҳаџьараҭ Шамба иажақәа рыла, адизельтә генератор цхыраагӡахоит.

"Асеиԥштәи аҭагылазаашьақәа ҳарзыхиоуп. Абылтәы мызкы аҩныҵҟа иҳазхоит. Нас иҟало аабап", - иҳәеит иара.

Кран - Sputnik Аҧсны
Афымцалашара арцәара иахҟьаны аӡыржәтә аушьҭрагь еиԥҟьоит

Ацхыраагӡа рымоуп Гагратәи ахәышәтәырҭаҿгьы, аха уа зыда ԥсыхәа ыҟам аҭагылазаашьақәа раан ауп агенератор ахархәара аҭара анрыгәҭаку. Иааиԥмырҟьаӡакәа алашара ҟалоит ахшараиурҭа аҟәшаҿы.

"Агенератор сааҭк ахы-аҵыхәала 70 литра асолиарка абылуеит. Уи аҟара ахарџь аиура ҳалшартә ҳаҟам. Зыда ԥсыхәа ыҟам аҭагылазаашьақәа раан агенератор аҿаҳклоит. Иаалырҟьаны аӡәы дааргар ҳәарада ишахәҭоу дҳадаҳкылоит", - ҳәа иҳәоит ахәышәтәырҭа аҳақьым хада Виачеслав Аргәын. 

Тҟәарчалтәи ахәышәтәырҭаҿ акәзар, агенератор аус ауеит ахшараиурҭа аҟәшаҿы мацара. Аҳақьымцәа аштаттә режим иинақәыршәаны русура мҩаԥыргоит.

"Фымцалашарада зыҟазаара уадаҩу ахирургиа аҟәшоуп, аха Тҟәарчал аибашьра аангьы фымцалашарада аус шауаз ҳгәаларшәаны ҳхы анаҳраалоит", - ҳәа лҳәоит аҳақьым хада Лали Гаргәылиа.

Очамчыратәи ахәышәтәырҭаҿ аҭагылазаашьа еиҳа иуадаҩуп. Уа агенератор рымоуп аха аус ауам.

Энергетические объекты Крыма - Sputnik Аҧсны
Афымцалашара аамҭа-аамҭала идырцәалоит жәабран 20 инаркны

Аҳақьым хада Мадонны Кьышьмариа лажәақәа рыла, аҭагылазаашьа уадаҩуп ахшараиурҭа аҟәшаҿи аполиклиникаҿи. Аполиклиникаҿ игылоуп акардиограмм атехникеи УЗИ аппарати.

Галтәи ахәышәтәырҭаҿ агенератор рымоуп, аха абылтәы азы ауадаҩрақәа ыҟоуп.

"Макьаназ иахьынӡаҳазхаша ҳаздырам иҳамоу абылтәы. Ажьырныҳәеи жәабрани амзақәа рзы абылтәы ҳмоуӡац. Агенератор иалшоит аҟәшақәа зегьы, арентген аппарат, акондиционерқәа, акомпиутерқәа ирызхартә аусура", - ҳәа еиҭеиҳәоит аҳақьым хада Гиа Шьониа.

Аштаттә режим ала аус ауеит Агәыӡератәи агоспитальгьы.

Жәабран 19, 2019 шықәса рзы иҟоу азыԥхьагәаҭарала ЕгрыГЕС хәажәкыра-мшаԥы амзақәа рзы 310 миллион киловатт-сааҭ афымцамч арҿиара алшоит. Убри аан Аԥсны афымцамч ахархәара 366 миллион киловатт-сааҭ итәоит. Адефицит 56 миллион киловатт-сааҭ шьақәнаргылоит ҳәа аҩуеит аиҿкаара апресс-маҵзура.

Ажәабжьқәа зегьы
0