"Интермузеи": Дырмит Гәлиа имузеи апавилион аартуп Москва

© SputnikДырмит Гәлиа имузеи апавильон аартуп Москва
Дырмит Гәлиа имузеи апавильон аартуп Москва - Sputnik Аҧсны
Анапаҵаҩра
Ацентртә цәыргақәҵатә зал "Манеж" аҿы лаҵара 30 рашәара 2 имҩаԥысуеит Урыстәылеи егьырҭ атәылақәеи рҟынтәи 400 музеи еидызкыло XXI Жәларбжьаратәи афестиваль "Интермузеи".

МОСКВА, лаҵара 30 – Sputnik, Анжелика Бениаԥҳа. Дырмит Гәлиа иҩны-музеи астенд аанартит XXI Жәларбжьаратәи афестиваль "Интермузеи" лаҵара 30 рзы.

Светлана Корсаиаԥҳа  - Sputnik Аҧсны
Арадио
Корсаиаԥҳа "Интермузеи" иазкны: атәыла аӡыргара иацхраауеит

Дырмит Гәлиа иҩны-музеи ҩынтәуп абасеиԥш иҟоу жәларбжьаратәи афестиваль иалахәхоижьҭеи. Апавилион теманы иазыҟоуп – "аԥсуа шәҟәыҩҩцәеи аурыс шәҟәыҩҩцәеи ркультуратә еимадарақәа".

Дырмит Гәлиа иҩнаҿы еизон еицырдыруа ашәҟәыҩҩцәа, апоетцәа, актиорцәа. Арахь иааиуан Аԥсны адырраз, рырҿиамҭазы игәаанагара еилыркаарц ҳәа илгәалалыршәоит ашәҟәыҩҩы имоҭа, Урыстәылатәи афедерациаҿы иҟоу Аԥсны Аҳәынҭқарра Ацҳаражәҳәарҭа аусзуҩ Татиана Гәлиаԥҳа.

"Сара сзы аҩны-музеи ҳәа аҳәара акалашәа иҟоуп, избанзар уа сынхон аамҭақәак. Иахьа иара санаҭаауа исгәалашәоит уа иаҭаауаз ауаа, ирҳәоз, ируаз. Агәыӡератәи ҳаҩнаҿгьы еснагь ауаа рацәан. Ара астенд аҿы ицәыргоуп Симонов, Твардовски, Шьынқәба рфотосахьа. Афото ҭыхын Агәӡера. Сашьеи сареи ҳаныхәыҷқәаз иаҳҭаауаз ауаа рыҳаракыра рацәак иаҳзеилкаауамызт. Симонов "дядя Костя" ҳәа иаҳҳәон, Чачхалиа "дядя Кьыршьал" ҳәа иаҳҳәон, Шьынқәба "дядя Баграт" ҳәа ҳишьҭан, – лҳәоит Татиана Гәлиаԥҳа.

Арсалиа афестиваль "Интермузеи" иазкны: алҵшәа бзиақәа ҳарзыԥшуп

Аԥснытәи амузеи афестиваль ахь иааԥхьан аконкурстә шьаҭада. Аԥсны Азербаиџьан, Ермантәыла, Беларусиа, Великобританиа, Германиа, Даниа, Испаниа, Италиа, Китаи, Нидерланды, Словениа, Хорватиа, Узбекистан уҳәа атәылақәа инарываргыланы жәларбжьаратә анаԥхьара аман ҳәа еиҭалҳәоит Дырмит Гәлиа иҩны-музеи адиректор Светлана Қорсаиаԥҳа.

© SputnikДырмит Гәлиа имузеи апавильон аартуп Москва
Интермузеи: Дырмит Гәлиа имузеи апавилион аартуп Москва - Sputnik Аҧсны
Дырмит Гәлиа имузеи апавильон аартуп Москва

"Сынтәа ҳара иҳауит алшара ссир – Урыстәыла иреиҳау ацәыргақәҵатә залқәа иреиуоу "Манеж" аҟны астенд аартра. Дырмит Гәлиа иҭаауан адунеи аҿы еицырдыруаз ауаа. Астенд ианҳарԥшырц ҳҽазаҳшәеит уи иԥсҭазаара ахәҭа", - еиҭалҳәоит Дырмит Гәлиа иҩны-музеи адиректор Светлана Қорсаиаԥҳа.

Амузеитә форум теманы иамоуп – "Диалог профессионалов".

© SputnikДырмит Гәлиа имузеи апавильон аартуп Москва
Интермузеи: Дырмит Гәлиа имузеи апавилион аартуп Москва - Sputnik Аҧсны
Дырмит Гәлиа имузеи апавильон аартуп Москва

Афестиваль ахьынӡамҩаԥысуа аԥшьымш рыҩныҵҟа урыстәылатәии аҳәаанрыцәтәии аҟазауаа рылацәажәар рылшоит амузеи аусхк аҿиара азҵаарақәа.

Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа лажәақәа рыла афестиваль ацхыраарала амузеи аусзуҩцәа ирылшоит рколлегацәа ирыҿцәажәарц, аконференциақәеи астол гьыжьқәеи ирылахәхарц.

Жәларбжьаратәи афестиваль мҩаԥысуеит 1999 шықәса раахыс. Ацентртә цәыргақәҵатә зал "Манеж" аҿы лаҵара 30 рашәара 2 имҩаԥысуеит XXI Жәларбжьаратәи афестиваль "Интермузеи".

© SputnikДырмит Гәлиа имузеи апавильон аартуп Москва
Интермузеи: Дырмит Гәлиа имузеи апавилион аартуп Москва - Sputnik Аҧсны
Дырмит Гәлиа имузеи апавильон аартуп Москва
Ажәабжьқәа зегьы
0