01:33 21 Ԥхынгәы 2019
Ишиашоу ицо аефир
  • USD62.87
  • EUR70.79
Аԥсны-Урыстәыла аҳәааҿы арыжәтә аалыҵ ахыгара аԥырҟәҟәаауп

Аԥсны-Урыстәыла аҳәааҿы арыжәтә аалыҵ ахыгара аԥырҟәҟәаауп

© Foto / Пресс-служба ЮВО
Аԥсны
Икьаҿу ахьарԥш аиура
9 0 0

Акурорттә сезон иаалагазар Аԥсны-Урыстәылатәи аҳәааҿ имаҷымкәа азинеилагарақәа аарԥшуп.

АҞӘА, рашәара 19 – Sputnik. Шәачатәи аҳәаахьчаҩцәа аҳәынҭқарратә ҳәаа 150 ԥаҭлыка аҩи 42 ԥаҭлыка ашампан ҩи рахыгара ааныркылеит ҳәа аҳәоит аусбарҭа апресс-маҵзура.

Аушьҭырҭатә ҭыԥ Адлер аҿы аҳазалхыҩцәа иааныркылеит автомашьына Mersedes-Benz Sprinter.

Аҳазалхыҩцәа имҩаԥыргаз агәаҭараан ирбеит 22 ҭоԥ арыжәтә аалыҵ. Зынӡа - 150 ԥаҭлыка аҩи 42 ԥаҭлыка ашампан ҩи. Иааидкыланы 144 литра.

Ставропольтәи атәылаҿацә ауаҩԥсы иҳәеит арыжәтә Аԥсны адәқьанқәа руак аҿы ишааихәаз, иԥҳа лчарахь ишигоз. Иара убасгьы иҳәеит аҳәаа уаанӡа дшахымсыцыз, убри азы арыжәтә ашәҟәы иҭагалатәуп ҳәа шизымдыруаз.

Иара убри амш азы аҳәааҟны иҟалеит аҽа хҭыскгьы: автомашьына Skoda Superb аԥсҟы зкыз аԥҳәыс лҽазылшәон адекларациа зызумыз 24 ԥаҭлыка аԥсуа ҩы аҳәаа ахыгара. Лара лажәақәа рыла, лҩызцәа ҳамҭас ирзылгон, аҳазалхратә закәанқәа лыздырамызт.

Атауар аекспертизахь инашьҭуп. Административтә ҭҵаарақәа рымҩаԥгара иаҿуп.

2019 шықәса иаалагазар ихацдыркхьеит 145 усеилагара рыҭҵаара, идырбаандаҩхьеит 650 литра рыжәтә аалыҵ.

 

Ихадоу атемақәа