01:47 14 Абҵара 2019
Ишиашоу ицо аефир
  • USD64.20
  • EUR70.67
Амузыкатә проект Орфеи

Аиндаҭлара "Орфеи" афинал мҩаԥысуеит Очамчыра

© Фото: Вокальный конкурс Orpheus
Аԥсны
Икьаҿу ахьарԥш аиура
15 0 0

Амузыкатә еиндаҭлара "Орфеи" афинал мҩаԥысуеит Очамчыратәи Акультура ахан аҿы рашәара 20 асааҭ 19:00 рзы.

АҞӘА, рашәара 20 – Sputnik, Бадри Есиава. Амузыкатә проект "Орфеи" алахәылацәа ирзыԥшуп амаӡақәа ҳәа лҳәеит Sputnik акорреспондент дзыҿцәажәоз аиндаҭлара апресс-маӡаныҟәгаҩ Сельма Чагәааԥҳа.

"Иреиҳау ԥхьахәны иҟалоит Гран-при атәыла ахада иҟынтәи, иара убасгьы I – II аҩаӡара адипломқәа. Ҳамҭада аӡәгьы даанхом", - лҳәеит Чагәааԥҳа.

Апроект афинал ахь инеит 15-ҩык анагӡаҩцәа. Аиндаҭлара алахәылацәа реиԥш асценахь инеиуеит аԥсуа естрада ашәаҳәаҩцәа, аидеиа автор Валериа Адлеиԥҳа. Ақәгылаҩцәа рынагӡара ахә ршьоит хәҩык ажиури иалоу.

Лика Ҵәыџьԥҳа: "Орфеи" ахәыҷқәа даҽа гәыӷра лашак рнаҭеит>>

Аконцерт афинал аламҭалаз агәҭынчымра аадырԥшуеит алахәылацәа реиԥш аиҿкааҩцәагьы.

Авокалтә еиндаҭлара "Орфеи" хацыркын Очамчыра, ԥхынҷкәын 5 рзы. Апроект аидеиа авторс дамоуп "Ты супер!" актәи асезон аҟны иаиааиз Валериа Адлеиԥҳа.

Чагәааԥҳа апроект "Орфеи" азы: ақыҭа хәыҷқәа рбаҩхатәра амҩа азаанартыр ҳҭахуп>>

Аиндаҭлара хықәкыс иаман ашәаҳәаҩцәа қәыԥшцәа апрофессионалтә сценахь рнагара, аиҳаракгьы ақыҭаҟынтәи ахәыҷқәа.

 

Ихадоу атемақәа