АҞӘА, ԥхынгәы 8 – Sputnik, Асмаҭ Ҵәыџьԥҳа. Анаплакы "Аԥсны аҩқәеи аӡқәеи" иҭнажьуа аалыҵ аҩыҟаҵаразы афбатәи Амшынеиқәатә форум аҿы актәи аҭыԥқәа ҩбеи аҩбатәи аҭыԥқәа ҩбеи анашьахеит ҳәа радио Sputnik иазеиҭеиҳәеит анаплакы аҩыҟаҵаҩ хада Валери Аҩӡба.
Иара иажәақәа рыла, афорум иалахәын Аԥсны, Ермантәыла, Қырҭтәыла, Болгариа, Приднестровие, Румыниа, Украина, Ҟрым, Краснодартәи атәылаҿацә, Даӷьсҭан. Зынӡа иӡырган 200 рыжәтәхкы. Аԥсуа ҩышкәакәа "Ашҭа Лаша", аҩеиқәаҵәа "Аҭауадаа" ахьтәы медал ранашьахеит. Араӡны медал ранашьахеит: аҩеиқәаҵәа "Ашҭа Лаша", "Аԥсуа ҩыхәмар".
"Афорум аҿы иҟан "Абрау Дюрсо" еиԥш еицырдыруа анаплак дуқәа. Ҳара асеиԥш иҟаз аиндаҭлараҿы иҳауз аԥхьахәқәа агәахәара ду ҳарҭеит", - иҳәеит иара.
Акаҷыҷ, Аҳардан, Амлахә: аӡахәа, ажь, аҩы аԥсуаа ркультураҿы>>
Аԥсуа аалыҵ асеиԥш алкаара аусура ду иалҵшәаны дахәаԥшуеит аҩыҟаҵаҩ хада.
"Ҳнаплакаҿы аус руеит зҟазара ҳараку ауаа. Иахәҭоу ҳаамҭазтәи амыругақәа рыла ҳаибыҭоуп. Ҳиааирагьы иааиԥмырҟьаӡакәа ҳусура ахьымҩаԥаҳго иалҵшәоуп", - ҳәа азиԥхьаӡоит Аҩӡба.
Аԥснытәи аҩқәа Краснодартәи аиндаҭлараҿы араӡны рҽаԥсартәит>>
Афорум иалахәын Аԥсны, Ермантәыла, Қырҭтәыла, Болгариа, Приднестровие, Румыниа, Украина, Ҟрым, Краснодартәи атәылаҿацә, Даӷьсҭан. Зынӡа иӡырган 200 рыжәтәхкы.
