АҞӘА, ԥхынгәы 9 - Sputnik. Амҩатә машәыр аан амашьынақәа рыԥсҟы зкыз ижәны иҟамызт, урҭ иахәҭаз амедицинатә гәаҭара иахыжьын ҳәа адырра ҟанаҵоит Аԥсны аҩныҵҟатәи аусқәа рминистрра апресс-маҵзура.
"Гагра араион аҩныҵҟатәи аусқәа русбарҭа аусҭҵааратә ҟәша имҩаԥнагоит ԥхынгәы 8 асааҭ 10:15 рзы Пицунда ааигәара аҭыԥ змаз амҩатә машәыр", - аҳәоит адырраҭараҿы.
Автомобил "Volkswagen CRAFTER" автомабил "Mercedes-Benz" Пицунда амҩеихысырҭаҿы еиҿасит ԥхынгәы 8 асааҭ 10:15 рзы.
Уаанӡа, ԥхынгәы 8 рзы урыстәылатәи атуристцәа зҭаз автобус маҷ амҩатә машәыр ианиеит, 16-ҩык ауаа ҳзааргеит. Урҭ рҟынтәи макьаназ ахәышәтәырҭа иҭоуп жәҩык, егьырҭ рхы иақәиҭтәуп, урҭ апассаџьырцәа рыԥсҭазаара шәарҭара иҭагылам ҳәаSputnik иазеиҭеиҳәахьан араионтә хәышәтәырҭа Хада аҳақьым хада Виачеслав Аргәын.
Гагратәи ахәышәтәырҭа аҳақьым хада амҩатә машәыр азы: ауаа рыԥсҭазаара шәарҭа иҭагылам
Аԥсны иҟоу Урыстәыла Ацҳаражәҳәарҭа апресс-маӡаныҟәгаҩ Денис Лавриков иҳәеит аусбарҭа иҟалаз ахҭыс хылаԥшра шазнауа, ахҭыс азы Урыстәыла ААР аинформациа-кризистә центр ахь адыррақәа нашьҭуп ҳәа.
Авариа ҟалеит ԥхынгәы 8 рзы. Автобус маҷ Volkswagen 15-ҩык апассаџьырцәа ҭан.
