АҞӘА, ԥхынгәы 25 – Sputnik, Сариа Кәарцхьиаԥҳа. Аспорттә еиндаҭларақәа Swim Sukhum мҩаԥысраны иҟоуп Синоп, нанҳәа 4 рзы ҳәа ааицҳауеит Аԥсны тритлон азы Афедерациа ахада, аспорттә клуб "Sport Apsny" аиҳабы Борис Барцыц.
"Аиндаҭларақәа ҩба еиҿкаахоит. Актәи– замшын аҟны аӡсара, аҩбатәи– амшынтә дуатлон. Ахәыҷқәеи адуқәеи рзы еиҿкаахоит хаз-хазтәи адистанциақәа", - иҳәоит Барцыц.
Swim Sukhum аҳәаақәа ирҭагӡаны имҩаԥысраны иҟоуп аӡсареи амшынтә дуатлони рзы аиндаҭлара.
Сынтәа аиҿкааҩцәа ирыӡбеит аиндаҭларахк ҿыцқәа аларгаларц - "Swim Run".
"Арҭ аиндаҭларақәа рҟны рҽеиҭнырыԥсахлеит аспорттә дисциплинақәа ҩба – аӡсареи аиԥхныҩлареи. Урҭ мҩаԥысуеит Мокко Пляж аҿы. Ахәыҷтәы дистанциа аӡсараҿы 50 метра инаӡоит, аҩраҿы 100 метрак. Ахәыҷқәа рышьҭахь еицлабуеит адуцәа. Урҭ рыӡсаратә дистанциа – 100 метрак иҟоуп, рыҩратә– 200 метра", - еиҭеиҳәоит Барцыц.
Аиндаҭлара ахалархәразы аҽҭаҩра алшоит Sport Apsny асаит аҿы.
