21:27 20 Цәыббра 2019
Ишиашоу ицо аефир
  • USD63.85
  • EUR70.60
ЦИК Абхазии

Асҭамыр Оҭырба Аԥсны Аҳәынҭқарра ахадарахьы икандидатура ықәиргылаӡом

© Sputnik / Томас Тхайцук
Аԥсны
Икьаҿу ахьарԥш аиура
Аԥсны ахада иалхрақәа (122)
32 0 0

Аԥсны Аҳәынҭқарра ахадара иалхрақәа ҟалоит атәыла араионқәа зегьи Москва, Черкесск, Сҭампыл ақалақьқәеи рҟны нанҳәа 25, 2019 шықәса рзы.

АҞӘА, нанҳәа 20– Sputnik, Бадри Есиава. Аԥсны АКХ аҳәынҭқарра ахадарахьы Асҭамыр Оҭырба икандидатура аԥнахит, абри атәы Sputnik акорреспондент изеиҭеиҳәеит Аԥсны АКХ ахантәаҩы Ҭамаз Гогьиа аҩаша, нанҳәа 20 рзы.

"Ари аҩыза аӡбамҭа зҳадаҳкылаз Асҭамыр Оҭырба ианаамҭаз ахада ихаҭыԥуаҩрахь акандидатура ахьҳадимкылаз ауп. Ацентртә алхратә комиссиахь ианааигаз адокументқәа алхрақәа рзы азакәанԥҵара еилаган, иарбаз аҿҳәара иахыԥан", - азгәеиҭеит Гогиа.

Ахада ихаҭыԥуаҩрахь акандидатура дҭаҩтәын нанҳәа 19, 18:00 сааҭ рҟынӡа.

Ахада иалхрақәа ҟалоит нанҳәа 25, 2019 шықәса рзы. Раԥхьа иқәыргылан абарҭ акандидатурақәа – Рауль Ҳаџьымба, Алхас Кәыҵниа, Олег Аршба, Асҭамыр Ҭарба, Алмас Џьапуа, Леонид Ӡаԥшьба, Шамиль Аӡынба, Асҭамыр Какалиа, Артур Анқәаб, Асҭамыр Оҭырба.

Урҭ рыдагьы, аҳәынҭқарра ахада ихаҭыԥуаҩрахь акандидатцәа жәаҩык АКХ иадгалан, аха урҭ рахьтә Асҭамыр Оҭырба ицыз Давид Дасаниа икандидатура ықәихит. АКХ Дасаниа иҭаҩрагьы аԥнахит.

Алхратә комиссиа адыррақәа рыла Аԥсны ахада иалхрақәа рхы рыладырхәраны иҟоуп 117 нызқьҩык алхыҩцәа.

Атемақәа:
Аԥсны ахада иалхрақәа (122)

Ихадоу атемақәа