03:36 17 Цәыббра 2019
Ишиашоу ицо аефир
  • USD63.83
  • EUR70.67
Чемпионата Европы под эгидой ConIFA

ConIFA-2020 Адунеи ачемпионат Сомалиленд имҩаԥысӡом

© Sputnik Алхас Манаргия
Аԥсны
Икьаҿу ахьарԥш аиура
8 0 0

ConIFA алахәылаҩцәа иааицуа ашықәс аламҭалаз еизаны ирыӡбоит Адунеи ачемпионат – 2020 ахьымҩаԥысша атәыла.

АҞӘа, нанҳәа 20 – Sputnik, Бадраҟ Аҩӡба. Ихьыԥшым ашьапылампылтә ассоциациа Рконфедерациа ConIFA адырра ҟанаҵеит ConIFA-2020 Адунеи ачемпионат Сомалиленд ишымҩаԥымсуа, абри атәы Sputnik иазеиҭеиҳәеит аиҿкаара ахада ихаҭыԥуаҩ Дмитри Паӷәаа.

"Акомандақәа жәпакы уахь ацара рцәыуадаҩуп, убри азы ари абҩыза аӡбамҭа ҳадаҳкылеит. Уажәы аамҭа маҷк иаҳгеит уи аицлабра ахьымҩаԥаҳгаша аҭыԥ алҳхразы", - иҳәеит иара.

2020 шықәса ажьырныҳәа мзазы адгьылбжьаха Џьерси аҟны имҩаԥысраны иҟоуп ConIFA аизара. Уа иалырхроуп ConIFA-2020 Адунеи ачемпионат ахьымҩаԥысша атәылазы аӡбамҭа.

"Акомандақәа ачемпионат алахәразы адокументқәа аларҵахьеит. Мызкы ашьҭахь аҵәҭаԥсара иалахәхаша акомандақәа шьақәҳарӷәӷәоит. Уажәазы ҳара хықәкыла ҳзызхәыцуа ConIFA-2020 ахьымҩаԥаагаша атәыла алхроуп", - инаҵишьит Паӷәаа.

Ихьыԥшым ашьапылампылтә ассоциациақәа Рконфедерациа ConIFA шьаҭаркын рашәара 7, 2013 шықәса рзы. Уи еиднакылоит FIFA иалам 40 команда.

Ихадоу атемақәа