Ҳаџьымба алхрақәа рылҵшәақәа ахҳәаа рзыҟаиҵеит

© Sputnik / Томас ТхайцукРауль Ҳаџьымба
Рауль Ҳаџьымба  - Sputnik Аҧсны
Анапаҵаҩра
Аԥсны ахада иалхрақәа мҩаԥысит амҽыша, нанҳәа 25 рзы, рыбжьы арҭеит 66,55% алхыҩцәа.

АҞӘА, нанҳәа 26 – Sputnik, Бадри Есиава. Аԥсны ахада Рауль Ҳаџьымба ажурналистцәа данырԥылоз, иазгәеиҭеит алхрақәа иусура иахәҭакны ишибо. Абри атәы иҳәеит алхрақәа рылҵшәақәа реихшьаалараан ашәахьа, нанҳәа 26 рзы.

Иҟоу адыррақәа иаҳдырбоит ауаажәларраҿы еиуеиԥшым агәаанагарақәа аҭыԥ шрымоу. Уи оумашәа иубартә иҟам иҳәеит иара, иагьазгәеиҭеит аҩбатәи атур аҽазырхиара ишаҿу.

"Актәи атур аан иазгәаҳҭеит абжьқәа иҵегьы ҳаурц ахьҳалшо, урҭ алкаақәа аҩбатәу атур ибзианы ианыԥшуеит", - иҳәеит Ҳаџьымба.

Иара убасгьы иазгәеиҭеит аҩбатәи атур азы ипрограмма аҽаԥсахуам ҳәа, избанзар хықәкы хадас ишимац имоуп атәыла аҿиара. Аполитикатә процессқәа ирыхҟьаны аиҭакрақәа ралагара иашам ҳәа иԥхьаӡоит Ҳаџьымба.

Иара игәаанагарала, алхрақәа рҭагылазаашьа ҭышәынтәалан.

Аҩбатәи атур ахь инеиз акандидати иареи еицәажәахьоу имеицәажәахьоу атәы ажурналистцәа аниазҵаа, "мап, аамҭа ҳмоузар акәхап" иҳәеит.

АКХ заанаҵтәи адыррақәа рыла, Рауль Ҳаџьымба 23,85 % абжьы иоуит, Алхас Кәыҵниа - 21,97%. Олег Аршба - 21,60%, Асҭамыр Ҭарба - 6,60% , Алмас Џьапуа - 2%, Леонид Ӡаԥшьба - 5,70%, Шамил Аӡынба - 4,14%, Асҭамыр Какалиа - 0,97%, Артур Анқәаб - 1,60%. Алхрақәа ирылахәын 86 138–ҩык алхыҩцәа, процентла уи шьақәнаргылоит 66,55%.

Иара убас шәаԥхьар ҟалоит:

Ажәабжьқәа зегьы
0