03:38 14 Жьҭаара 2019
Ишиашоу ицо аефир
  • USD64.22
  • EUR70.73
Театр юного зрителя Северной Осетии Саби

"Нарҭаа", "Амра аԥҳа": ауаԥс театр Аԥсны аспектакльқәа хԥа ықәнаргылоит

© Sputnik / Сария Кварацхелия
Аԥсны
Икьаҿу ахьарԥш аиура
9 0 0

Ауаԥс театр Аԥсныҟа иаанагеит аспектакльқәа: "Нарҭааи ахьтәы ҵәеи", "Амра аԥҳа", "Ажәҵыс нашана". Ауаԥс театр Аԥсныҟа иааит цәыббра 7 рзы.

АҞӘА, цәыббра 16– Sputnik, Сариа Кәарцхьиаԥҳа. Нхыҵ Уаԥстәыла ахәаԥшыҩ қәыԥш итеатр "Саби" Аԥсуа ҳәынҭқарратә драматә театр асценаҿ иқәнаргылараны иҟоуп аспектакльқәа: "Нарҭааи ахьтәы ҵәеи", "Амра аԥҳа", "Ажәҵыс нашана".

Ауаԥс театр Аԥсныҟа иааит цәыббра 7 рзы. Цәыббра 10 раахыс ареспублика араионқәа рҿы иқәгылоит. Ауаԥс театр Аԥсныҟа иаанагеит аспектакльқәа: "Нарҭааи ахьтәы ҵәеи" (Нарҭаа репос иалху), "Амра аԥҳа" (Кәымф Ломиа ипоема), "Ажәҵыс нашана" (Ермик Бабаианц). Цәыббра 16 асааҭ 11:30; 13:30 рзы - "Нарҭааи ахьтәы ҵәеи"; цәыббра 18 асааҭ 11:30; 13:30 рзы– "Амра аԥҳа".

"Абарҭ агастрольқәа рзы ҷыдала иазҳархиеит Константин (Кәымф) Ломиа ирҿиамҭа иалху аспектакь "Амра аԥҳа". Иара аԥхьарбароуп имҩаԥгахо. Уаԥстәыла макьаназ аӡәгьы имбацт", - еиҭеиҳәоит атеатр анапхгаҩы Асланбек Галаов.

Гастроль ҳасабла Аԥсныҟа иааиит 31-ҩык актиорцәа.

"Ҳара ара аҩызцәа рацәаны иҳамоуп. Аԥсны атәыла ахаангьы гәаартыла иаҳԥылоит", - иҳәоит Галаов.

Нхыҵ Уаԥстәыла ахәаԥшыҩ қәыԥш итеатр "Саби" Аԥсны агастрольқәа мҩаԥысуеит цәыббра 20 рҟынӡа.

Ихадоу атемақәа