АҞӘА, жьҭаара 9 - Sputnik. Аԥсны ахада Рауль Ҳаџьымбеи ахада ихаҭыԥуаҩ Аслан Барцыци жьҭаара 9 рзы Аԥсны раԥхьатәи ахада Владислав Арӡынба анышә дахьамадо аҭыԥ аҿы ашәҭшьыҵәрақәа шьҭеиҵеит.
Ахада иҭоубашьҭаҵара ацеремониа ааиртуеит Апарламент аиҳабы, нас ажәа ииҭоит ҿыц иалху атәыла ахада. Атәыла ахада аԥсышәала аҭоуба шьҭеиҵоит ижәлар рҿаԥхьа. Ахьыӡрашәа ангалак ашьҭахь ахада инапы иаркхоит– аштандарт, амҳәыр, алабашьа, аҳәа.
Аԥсны раԥхьаӡа акәны атәыла ахада иҭоубашьҭаҵара мҩаԥган 25 шықәса раԥхьа.
Аԥсны раԥхьатәи ахада ҳәа ихьӡ ҳәан Владислав Арӡынба.
Иара убас шәаԥхьар ҟалоит:
- Аҟәа имҩаԥысран иҟоуп Аԥсны ахада иҭоубашьҭаҵара ацеремониа
-
Валери Бганба Рауль Ҳаџьымба имаҵура адкылара иазку ацеремониа иалахәхо рыӡбахә иҳәеит
