АҞӘА, жьҭаара 28 – Sputnik, Бадраҟ Аҩӡба. Аминистрцәа Реилазаара жьҭаара 28 рзтәи аилатәараҿы ацитрустә шәырқәа раахәара ахәԥса шьақәдыргылеит.
Ақыҭанхамҩа аминистр Амиран Какалиа ажәалагала ҟаиҵеит аахәаратә хәыԥсақәа рзы.
Ақәҵара апроект инақәыршәаны кьылак амандаринеи апельсини – 19 мааҭи 50 копеии иаԥсахоит. Кьылак алимонқәа 20 мааҭ иаԥсахоит.
Какалиа иазгәеиҭеит Аҳәынҭқарратә ҳазалхратә еилакы есымчыбжьа Аминистрцәа Реилазаарахь аинформациа аанашьҭуеит ацитрустә шәырқәа ралгаразы ҳәа.
Аԥыза-министр Валери Бганба иазгәеиҭеит урыстәылатәи аҳәааҿ иахырхуа ахәцҵазы ашәахтә ишьақәыргылоу ахәқәа рҟынтәи ишыԥхьаӡахо.
2018 шықәса рзы аҳәаа иахыган 30 000 тонн ацитрустә шәырқәа.
Иара убас шәаԥхьар ҟалоит:
-
Ҵәыџьба Гал араион аҿы ацитрустә шәырқәа рҽаҩразы: ҳџьабаа мыӡит
-
Ҩымз рыҩнуҵҟа Аԥсны аҳәаа иахыргахьеит 47 тонна афеихоа
