АҞӘА, абҵара 4 – Sputnik. Аԥсны Аҩнуҵҟатәи аусқәа рминистрра ашьаус ԥшаара Аусбарҭа аусзуҩцәа 24 шықәса зхыҵуа Гәдоуҭа араион Ԥсырӡха ақыҭаҿ инхо Аделина Пилосиан анаркотикатә маҭәашьарқәа аҳәаа ишахылгоз дааныркылеит. Абри атәы аанацҳауеит Аԥсны Аҩнуҵҟатәи аусқәа рминистрра апресс-маҵзура.
"Лгәаҭараан аԥҳәыс илыдбалан амаҭәашьар лага. Аекспертиза ахыжьраан ишьақәыргылан уи 14 грамм инаӡоз анаркотикатә маҭәашьар "метадон" шакәыз", - аҳәоит амаҵзура адырраҭараҿы.
24 шықәса зхыҵуа Гәдоуҭа араион Ԥсырӡха ақыҭаҿ инхо Аделина Пилосиан хараны илыдырҵоит закәаншьаҭада анаркотикатә маҭәашьар аахәареи, амазаареи, аҭиразы аҳәаа ахыгареи. Аусҭҵаара мҩаԥнагоит ареспублика атранспорттә прокуратура.
