23:01 05 Ԥхынҷкәын 2019
Ишиашоу ицо аефир
  • USD63.81
  • EUR70.72
Афонд Азҳара аԥсуа ҭаацәарақәа ирыцхраауеит

Афонд "Азҳара" 280 аԥсуа ҭаацәара ацхыраара рнаҭеит 2019 шықәсазы

© Sputnik Роберт Джопуа
Аԥсны
Икьаҿу ахьарԥш аиура
13 0 0

Икоммерциатәым агәыҳалалратә фонд "Азҳара" 1200 аԥсуа ҭаацәара ацхыраара рнаҭахьеит.

АҞӘА, абҵара 22– Sputnik. 2019 шықәса аҩныҵҟа икоммерциатәым агәыҳалалратә фонд "Азҳара" 280 аԥсуа ҭаацәара ацхыраара рнаҭахьеит ҳәа арадио Sputnik иазеиҭалҳәеит афонд аҳасабеилыргаҩ хада Ирма Чантуриаԥҳа.

Ииасыз ашықәс аҩныҵҟа афонд ахь 326 рзаҳал нашьҭын ахԥатәи ахәыҷы изы аԥаразоужьразы.

"Ҳфонд апроблема хаданы иамоу – аԥареизгароуп. Ҳтәылаҿы агәыҳалалра акультура акыр ишьҭаханы иҟоуп. Имаҷҩуп аԥара алагалара зҭаху. Убри азы аҭаацәарақәа аԥшра анрықәшәо ыҟоуп. Ус шакәугьы иҳалшо ҟаҳҵоит", - лҳәеит Ирма Чантуриаԥҳа.

Аԥсуа ҭаацәараҿы ииз ахԥатәи ахәыҷи ишьҭанеиуаа хәыҷқәеи рзы абиуџьетнҭыҵтә фонд иашәоит 100 000 мааҭ. Абри азы иаҭахны иҟоуп иааиԥмырҟьаӡакәа Аԥсны аҵакырадгьыл аҿы анхара.

"Азҳара" аҳасабеилыргаҩ хада иазгәалҭеит афонд аусура зегьы ишыргәамԥхо, ацхыраара ззыруа аԥсуа ҭаацәарақәа ахьракәу азы.

"Ҳаилыркаароуп. Аԥсуаа рдемографиатә ҭагылазаашьа уадаҩуп. Иԥсахтәуп алшарақәа зегьы ҳхы иархәаны. Аҭаацәара қәыԥшқәа апроблема рацәа рымоуп. Иҳалшо ала ацхыраара аауеит", - азгәалҭеит Чантуриаԥҳа.

Икоммерциатәым агәыҳалалратә фонд "Азҳара" аԥҵан 2017 шықәса рзы Аԥсны Жәлар Реизара-Апарламент аԥшьгарала.

Иара убас шәаԥхьар ҟалоит:

Ихадоу атемақәа