АҞӘА, ԥхынҷкәын 9 – Sputnik. Аԥсны имҩаԥысит хаҭала-командалатәи аицлабра ашколхәыҷқәа рыбжьара ԥхынҷкәын 7 - 8 рзы ҳәа Sputnik иазеиҭеиҳәеит Аԥсны Аԥкьаҭымпыл маҷ азы афедерациа ахада Беслан Қарчаа.
Атурнир иалахәын 64 спортсмен, урҭ ф-командакны еиҿкаан: "Араион ҿыц", "РДЮСШ-игр", "Гагра", "Гәылрыԥшь", "Тҟәарчал", "Цандрыԥшь".
Атурнир аихшьаалақәа рыла азеиԥшкомандатә еицлабраан актәи аҭыԥ ааннакылеит акоманда "Араион ҿыц", аҩбатәии ахԥатәии – "Тҟәарчал", "Цандрыԥшь".
"Арҭ аицлабрақәа 2014 шықәса раахыс имҩаԥысуеит. Сынтәа жәохәынтәуп имҩаԥаагоижьҭеи. Ахәмаррақәа мҩаԥысуан, Аҟәа, Араион ҿыц аҿтәи аԥқьаҭасырҭатә зал аҿы. Акомандақәа зегьы шьахәны иқәгылеит", - ҳәа еиҭеиҳәоит Беслан Қарчаа.
10 шықәсеи еиҵани изхыҵуа аӡӷабцәа рыбжьара актәи аҭыԥ аанылкылеит Нинель Чалукиан, аҩбатәи – Николь Чалукиан, ахԥатәи – Николь Киутԥҳа. 12-14 шықәса зхыҵуа рыбжьара актәи аҭыԥ лгеит Ханна Малиаԥҳа, аҩбатәи – Амра Амҷԥҳа, ахԥатәи – Валериа Дмитриенко.
15-17 шықәса зхыҵуа рыбжьара актәи аҭыԥ аанылкылеит Ҳанифа Воуԥҳа, аҩбатәи - Анна Егорова, ахԥатәи - Ление Шохина. Денис Хәарцкьиа 10 шықәса зхыҵуеи еиҵбацәоуи рыбжьара даиааит, уи ишьҭанеиуеит Алиас Хәарцкьиеи Гурген Зазиани.
12-14 шықәса зхыҵуа аҷкәынцәа рыбжьара актәи аҭыԥ ааникылеит Алан Цкәуа, аҩбатәи - Макич Оганесиан, ахԥатәи - Владислав Филимонов.
Милор Абхазаа 15-17 шықәса зхыҵуа рыбжьара актәи аҭыԥ игеит, аҩбатәи - Арам Хачикиан, ахԥатәи - Альфред Мумџьиан. Иреиӷьу ахәмарыҩ ҳәа далкаан Тҟәарчалтәи аԥқьаҭасыҩ Милор Абхазаа.
Иара убас шәаԥхьар ҟалоит:
-
Карчаа: Аԥсны аԥкьаҭымпыл маҷ аԥеиԥш амоуп егьырҭ аспортхкқәа реиԥшгьы
