01:49 24 Ажьырныҳәа 2020
Ишиашоу ицо аефир
  • USD61.95
  • EUR68.69
Аԥсны
Икьаҿу ахьарԥш аиура
29 0 0

Аԥсны Агәабзиарахьчареи асоциалтә еиқәыршәареи рминистр Ҭамаз Ҵахнакьиа 2019 шықәсазтәи аусура аихшьаалақәа ҟаиҵеит.

АҞӘА, ԥхынҷкәын 11 – Sputnik. Аԥсны Агәабзиарахьчара аминистрра Урыстәыла амедусҳәарҭақәа рҿаԥхьа 2012 - 2018 шықәсқәа раахыс еиқәыланы иҟаз ауалқәа ашәеит иҳәеит апресс-конференциаҿы Аԥсны Агәабзиарахьчареи асоциалтә еиқәыршәареи рминистр Ҭамаз Ҵахнакьиа.

"2012 шықәса раахыс Урыстәыла амедицинатә усҳәарҭақәа рҿаԥхьа 59 миллион мааҭ ауал ҳақәын. Арҭ ауалқәа шықәсыцыԥхьаӡа еиҭаҵуеит, еиқәылоит, еиҳа-еиҳа ирызҳауеит", - иҳәеит аминистр.

Урыстәыла амедицинатә усҳәарҭақәа рҿаԥхьа ауал аҟазаара еиҳарак изыдҳәалоу усҟантәи аамҭақәа рзы амедицинатә ԥгаԥса аполисқәа ахьыҟамыз ауп.

"2018 шықәса рзы аминистрра абиуџьет аҳәаақәа ирҭагӡаны ишәан 24 миллион мааҭ", - иҳәеит Ҵахнакьиа.

2019 шықәса рзы аиҳабырабжьаратә комиссиа аицхантәаҩцәа рыӡбарала 50 миллион мааҭ иаанхаз ауал ашәара иазырхан.

"Ажәакала, Аԥсны Агәабзиарахьчара аминистрра Урыстәылатәи амедусҳәарҭақәа рҿаԥхьа 2012 - 2018 шықәсқәа раахыс еиқәыланы иҟаз ауалқәа ашәеит", - иҳәеит иара.

2019 шықәсазы акәзар, иҟоуп рацәак идуум ауал.

Урыстәылатәи аклиникақәеи ҳареи ҳаицәажәарала, ауалқәа еиқәымларц азы ианаамҭоу аԥарахшәаара мҩаԥаагалоит ҳәа азгәеиҭеит аминистр.

Иара убас шәаԥхьар ҟалоит:

Ихадоу атемақәа