АҞӘА, жәабран 3– Sputnik, Асида Кәыҵниаԥҳа. Аԥснытәи аспортсмен Алим Пилипенко шәачатәи аҳәеилашьразтәи атурнир аҿы актәи аҭыԥ никылеит. Абри атәы Sputnik иазааицҳаит аҳәеилышьратә школ азыҟаҵаҩ Иури Орлов.
"Аҳәеилышьразы шәачатәи ашколи ҳареи аинырра бзиа ҳамоуп. Уахь ҳнарыԥхьеит. Алим ицықәгылон 35 спортсмен. Афинал аҿы анеиразы 12 қәгылара мҩаԥигеит. Ахԥатәи аҭыԥ азы ақәгылара акыр иуадаҩын, аха ҳаспортсмен аиааира илыршаны афинал ахь днеит. Алим афинал аҿгьы ихы бзианы иааирԥшит, аиааира игеит", - иҵаҩы дихыҽхәоит азыҟаҵаҩ.
Аҳәеилышьцәа рзы аиԥш зеиԥшуц атурнирқәа аҵак ду рымоуп – аԥышәа рнаҭоит, рҟазара еизнарҳауеит. Аԥснытәи аҳәеилышьратә школ аԥаразоужьра ахьамам азы имаҷуп ареспублика анҭыҵ аиндаҭларақәа рахь ианцо.
Иара убас шәаԥхьар ҟалоит:
- Аҳәа еилыршьит: Гаграа аристократиатә олимпиатә спорт хкы аԥсы шҭарҵаз
