13:46 27 Цәыббра 2020
Ишиашоу ицо аефир
  • USD76.82
  • EUR89.66
Аԥсны
Икьаҿу ахьарԥш аиура
29 0 0

"Амаҵзурауааи адепутатцәеи рхашәала, рныхрақәа, рмазара, амазаратә ҟазшьа змоу рхыдҵақәа адекларациа рзуразы" азакәан апроект адкылара аԥшьгаҩцәа ҿҳәарадатәи амитинг амҩаԥгара иалагеит Аԥсны Апарламент аҿаԥхьа.

АҞӘА, жәабран 5 - Sputnik. Акоррупциа иаҿагыло азакәан адгылаҩцәа Апарламент аҿаԥхьа иаанхарц рыӡбеит ҳәа иҳәеит Sputnik аинтервиу азҭаз акциа аиҿкааҩцәа ируаӡәку Џьансыхә Адлеиба.

"Ауаа реиҳараҩык ауҳашьҭит. Быжьҩык ҳаангылеит", - иҳәеит иара.

Иара иазгәеиҭеит акциа алахәылацәа жәабран 6 рзынӡа ара инхарц шыргәиҭоу. Жәабран 6 рзы Апарламент адепутатцәа рсессиаҟны аҵыхәтәантәи аԥхьарала азакәан рыдыркылап ҳәа иԥшуп.

"Аҵх ҳаршеит. Ақәа леиуан, аха амшьамбақьалақәа гылан. Ҳамҩа хьанҭоуп, аха аиашазы имариоу мҩа ыҟаӡам", - иҳәеит Џьансыхә Адлеиба.

Егьи акциа алахәыла Анзор Адлеиба иҳәеит акоррупциа иаҿагыло азакәан ада атәыла аҿиара уадаҩуп ҳәа.

"Аҽа мҩак ыҟан иҟазар уи ҳақәлон, аха усеиԥш егьаабом. Ҳаԥхьаҟатәи ҳԥеиԥш ҳазхәыцноуп ҳашгыло. Аӡәгьы џьаргьы дцарц игәы иҭаӡам", - иҳәеит иара.

"Амаҵзурауааи адепутатцәеи рхашәала, рныхрақәа, рмазара, амазаратә ҟазшьа змоу рхыдҵақәа адекларациа рзуразы" азакәан апроект адкыларазы аԥшьгаратә гәыԥ Аԥсны Апарламент аҿаԥхьа ҿҳәарадатәи амитинг мҩаԥаагоит ҳәа аҳәамҭа ҟарҵеит. Дара адҵа ҟарҵоит адепутатцәа абри азакәан рыдыркыларц.

Активистцәа арахь иааганы идыргылеит амшьамбақьалақәа.

Акоррупциа иаҿагыло азакәан адкылара Апарламент жәабран 6 азтәи асессиа амшхәаԥштә аҿы иқәгылоуп.

Иара убас шәаԥхьар ҟалоит:

Ихадоу атемақәа