АҞӘА, хәажәкыра 2 – Sputnik. Аԥсны ахадарахьы акандидат Аслан Бжьаниа иаалырҟьаны ахәышәтәырҭахь днагоуп ҳәа аанацҳауеит Аминистрцәа реилазаара асаит.
"Аԥсны ахадарахьы акандидат, Аԥсны Жәлар Реизара адепутат Аслан Бжьаниа иаалырҟьаны игәамбзиара иахҟьаны Шәача ақалақь ахәышәтәырҭахь инагара инадҳәаланы, иахьа, хәажәкыра 2 асааҭ 16:00 рзы Аԥсны ахада инапынҵақәа назыгӡо Валери Бганба ареспублика Ашәарҭадаратә хеилак алахәылацәа реилатәара мҩаԥигоит. Иара убасгьы Валери Бганба Аԥсны Агәабзиарахьчареи асоциалтә еиқәыршәареи рминистр Ҭамаз Ҵахнакьиа анапынҵа ииҭеит урыстәылатәи иколлегацәа иҽрымаданы иахәҭоу амедицинатә цхыраара мҩаԥигарц", - ҳәа аҳәоит адырраҭараҿы.
Ажьырныҳәа 28, 2020 шықәса рзы Аԥсны АКХ ашәҟәы иҭанагалеит Аслан Бжьаниа ахадарахьы кандидатс дықәзыргылоз аԥшьгаратә гәыԥ.
Жәабран 17 рзы Аслан Бжьаниа кандидатк иаҳасаб ала ашәҟәы дҭагалан.
Аԥсны ахада иеиҭалхрақәа рымҩаԥгара азгәаҭоуп хәажәкыра 22 рзы.
Иара убас шәаԥхьар ҟалоит:
-
Ахада иалхрақәа: акандидатцәеи урҭ рхаҭыԥуааи
-
Бжьаниа Аԥсны ахада иалхрақәа раан икандидатура ықәиргылоит
-
Апарламент аҿы иалацәажәеит Москвантәи иааз адырраҭара
