20:46 03 Мшаԥы 2020
Ишиашоу ицо аефир
  • USD77.73
  • EUR85.74
Аԥсны
Икьаҿу ахьарԥш аиура
Аԥсны ахада иалхрақәа -2020 (124)
18 0 0

Иофициалтәым аихшьалақәа ҟаҵан хәажәкыра 22 ауха, акандидатцәа рыштабқәа рҟны. Иааидкыланы алхрақәа рҟны рыбжьы рҭиит 95109-ҩык ауааԥсыра.

АҞӘА, хәажәкыра 24 – Sputnik. Аԥсны Алхратә комиссиа хада имҩаԥысыз атәыла ахада иеиҭалхрақәа аҵыхәтәантәи реихшьаалақәа ҟанаҵеит. АКХ ахантәаҩы Ҭамаз Гогьиа иҳәеит, Аԥсны ахадас далхуп ҳәа дшыԥхьаӡоу Аслан Бжьаниа, ахада ихаҭыԥуаҩс – Бадра Гәынба.

Аҵыхәтәантәи адыррақәа рыла, алхрақәа рҟны абжьқәа абас еиԥш еихшахеит:

  • Аслан Бжьаниа - 53741 бжьы, 56,5%
  • Адгәыр Арӡынба - 33686 бжьы, 35,42%
  • Леонид Ӡаԥшьба - 2114 бжьы, 2,22%
  • Зегьы ирҿагыланы - 1666 бжьы, 1,75%
  • Иԥхасҭатәны иԥхьаӡан 3902 биуллетен
Амҽыша, хәажәкыра 22 рзы Аԥсны атәылауаа ахада иалхразы абжьыҭара рхы аладырхәит. Аԥсны зехьынџьара асааҭ 08:00 рзы иаатит алхратә ҭыԥқәа 152, аусгьы руан 20:00 рҟынӡа. Убас аус руан анҭыҵтәи алхратә ҭыԥқәа рыҩбагьы – Москвеи Черқьесски. Иааидкыланы алхрақәа рҟны рыбжьы рҭиит 95109-ҩык ауааԥсыра.

Иофициалтәым адыррақәа алхрақәа анымҩаԥыс аухаҵәҟьа иӡырыргеит Аслан Бжьаниа иштаб аҟны. Урҭ инарықәыршәаны, Бжьаниа аиааира игон 58% инарықәырԥшны абжьқәа иманы. Абарҭ адыррақәа дрықәшаҳаҭхеит Адгәыр Арӡынба, иара хаҭала Аслан Бжьаниа иштаб аҟны дааны иааира идиныҳәалеит.

Иара убас шәаԥхьар ҟалоит:

Атемақәа:
Аԥсны ахада иалхрақәа -2020 (124)

Ихадоу атемақәа