АҞӘА, хәажәкыра 24 – Sputnik. Атәыла хадас иалху Аслан Бжьаниа Аԥсныи Урыстәылеи реизыҟазаашьақә рыҿиара – априоритет зиҭо хырхарҭоуп ҳәа ахиҳәааит.
"Ҳара ҳаизыҟазаашьақәа иҵегь излаҳарҿиаша рацәоуп, ари априоритет змоу хырхарҭазаауеит сусураҿы", – иҳәеит иара.
Бжьаниа аҳәамҭа ҟаиҵеит Урыстәылатәи Афедерациа аус ацура уаанӡа напы зҵаҩу аиқәшаҳаҭрақәа рҳәаақәа ирҭагӡаны ишымҩаԥысло. Урҭ рыхәҭак иахьазы аԥсҭазаара иаларҵәоуп, аха рыхәҭак макьанагьы инагӡам.
"Ҳара ҳабжьара иҟам иузымыӡбо азҵаарақәа", – ҳәа азгәеиҭеит ахада ҿыц.
Иацы Урыстәыла ахада Владимир Путин Аслан Бжьаниа ихьӡала адныҳәалара ҟаиҵеит Аԥсны ахадас дахьалырхыз азы.
Аслан Бжьаниа алхрақәа рҿы даиааит 56,5% абжьы иманы, Адгәыр Арӡынба 35,42% абжьы иоуит, Леонид Ӡаԥшьба – 2,22%.
Бжьаниа индаҭлаҩцәа алхрақәа рҿы ишаҵахаз азхарҵеит, иара ииааира идырныҳәлеит.
Иара убас шәаԥхьар ҟалоит:
- Ҿыц иалху Аԥсны ахада иҭоубашьҭаҵара арыцхә алкаауп
-
Владимир Путин Аслан Бжьаниа дидныҳәалеит
