АҞӘА, лаҵара 12 - Sputnik. Аԥсны Аҩныҵҟатәи аусқәа рминистрра ашьаусҭҵаареи СОБРи русзуҩцәеи Аԥсны Ашәарҭадаратә маҵзура аусзуҩцәеи Аҟәа ақалақь Араион Ҿыц Картозиа имҩаҿы игылоу аҩнеихагылақәа руак аҟны ирыԥшааит абџьари аџьаԥҳани шыҵәахыз. Абри атәы аанацҳауеит Аԥсны ААР асаит.
Азинхьчаратә усбарҭақәа русзуҩцәа еиуеиԥшым агәыцә змоу зқьыла апатронақәеи, арԥжәагақәеи, арԥжәагатехникатә елементқәеи, агранатқәеи, атанкаанкылага напылатә гранатаршәгақәеи, архысгақәеи, апулемиотқәеи, патронала иҭәыз апулемиотлентақәеи ахьыҵәахыз аадырԥшит.
Аоперативтә усзуҩцәа иара убасгьы ара ирбеит бжьы ҟазымҵо амцаԥшь зхылымҵуа ахархәагақәа, Урыстәылеи аҳәаанырцәи иҭыжьу жәабала абџьар, анапылатә чемодан азна атапанчақәа.
Аԥсны ААР аҟазауаа ирбаз абџьар атактика-техника ҟазшьа аекспертиза иахрыжьраны иҟоуп.
Иара убас шәаԥхьар ҟалоит:
