Аԥсны аҩнуҵҟатәи аусқәа Гагреи Гәдоуҭеи рраионтә ҟәшақәа рхадацәа аҭоуп

© Sputnik / Томас ТхайцукМвд Абхазии
Мвд Абхазии - Sputnik Аҧсны
Анапаҵаҩра
Гагра араион Аҩнуҵҟатәи аусқәа русбарҭа ахада инапынҵақәа назыгӡои Гәдоуҭа араион Аҩнуҵҟатәи аусқәа рыҟәша анапхгаҩы инапынҵақәа назыгӡои рзы Аҩнуҵҟатәи аусқәа рминистр Дмитри Дбар аусдҵа инапы аҵаиҩит.

АҞӘА, лаҵара 15 - Sputnik. Аусдҵа инақәыршәаны Гәдоуҭа араион Аҩнуҵҟатәи аусқәа рыҟәша анапхгаҩы инапынҵақәа наигӡалоит Ерик Хәытаба, Гагра араион Аҩнуҵҟатәи аусқәа русбарҭа ахада инапынҵақәа наигӡалоит Дмитри Ажьиба. Абри атәы аанацҳауеит Аԥсны ААР асаит.

"Аподполковник Ерик Хәытаба аҩнуҵҟатәи аусқәа русбарҭақәа рҟны иусура хациркит ашьаусԥшаараҿы. 17 шықәса рыҩнуҵҟа аоперативтә усзуҩ бзиа ҳәа ихы ааирԥшит, иара убасгьы аҭакԥхықәра иаҵагылоу напхгаҩык иҳасабалагьы", - аҳәоит адырраҭараҿы.

Амилициа амаиор Дмитри Ажьиба акраамҭа аус иухьеит аҩнуҵҟатәи аусқәа русбарҭақәа рҿы, Аԥсны ААР анаркотикқәа реикәыршара ахылаԥшразы Анапхгараҭара ахадас дыҟан.

Дмитри Дбар Аԥсны ААР дахагылеит мшаԥы 30 рзы.

Иара убас шәаԥхьар ҟалоит:

Ажәабжьқәа зегьы
0