03:35 26 Лаҵара 2020
Ишиашоу ицо аефир
  • USD71.60
  • EUR77.88
Аԥсны
Икьаҿу ахьарԥш аиура
18 0 0

Аҟәа, Ажәанба имҩа №9, Урыстәыла аҳәаанырцәтә тәылауаҩшәҟәқәа ахьрырҭои атәылауаҩра ахьроуеи аконсультациатә пункт аҿы ауаа агәаран иқәгылоуп, аха аҩаша, ахаша уи маҷк еиҵахеит.

АҞӘА, лаҵара 20 - Sputnik, Бадри Есиава. Урыстәыла аҳәаанырцәтә тәылауаҩшәҟәқәа ахьрырҭои атәылауаҩра ахьроуеи аконсультациатә пункт аҿы агәаран ахьыҟалаз акарантин мзызс иаиуит ҳәа Sputnik иазеиҭалҳәеит аиҿкаара анапхгаҩы Фаина Герман.

"Акарантин ҟалаанӡа мышкала 150-ҩык рҟынӡа ауаа рымаҵ ҳуан, агәаранқәагьы ҟаломызт. Акарантин анрыларҳәа ашьҭахь мызкы аҩнуҵҟа аус ҳуамызт. Аталонқәа роуразы ԥшьнызқьҩык раамҭа еиқәылеит. Ацҳаражәҳәарҭа аусура шхацнаркыз заҳаз зегь ҳзааит", - лҳәоит Герман.

Лара илҳәеит лаҵара 19 рзы 400 рҟынӡа документ ҳадаҳкылеит ҳәа, аха иахьазы ауаа рхыԥхьаӡара еиҳа еиҵахеит. Лара лгәаанагарала, ауаа еилыркааит аконсультатив ҟәшахьы шьыжьнаҵы умнеиргьы шауаз. Шьыбжьышьҭахьгьы ашәҟәқәа шҳадаҳкыло еилыркааит лҳәеит лара.

Аҟәша аусзуҩцәа ирыцхраарц уахь инеит Аҳәынҭқарратә ахьчаратә маҵзура аусзуҩцәа. Дара ауаа арзҩыдагақәа рырҭоит, асабрадақәа рзыршоит.

"Ҳусуратә мшы асааҭ 18:00 рзы ишынҵәогьы, иацы асааҭ 19:00 рҟынӡа аус ҳуан, иҟаз ауаа зегьы ҳадаҳкылеит. Ҳҟазауаа аҩныҟа адокументқәа ганы аус рыдырулоит. Асааҭ 8:00 рзы ҳҭыԥ ахь ҳааиуеит", - лҳәеит Герман.

Аконсультациатә пункт атәанчаҩцәа рхаҭақәа ыҟамкәагьы рышәҟәқәа рыдыркылоит ирзааигәоу ауаа рҟынтәи, аха Ацҳаражәҳәарҭаҿы иҟазар ахәҭоуп.

Иазԥхьагәаҭоуп араионқәа рахь ицаны аҳҭнықалақь ахь изымаауа рдокументқәа реиҿкаара. Герман илҳәеит атәылауаҩшәҟәы аҿҳәара нҵәаанӡа шықәсыбжак шагу ишыԥсахтәу азы адырра шыҟаҳҵалогьы, атәанчаҩцәа реиҳараҩык уи аҵыхәтәанӡа идыргәагәоит ҳәа.

Герман илҳәеит рпункт Аминистрцәа реилазаара ишаҵанакуа, ус хадас ирымоу урыстәылатәи атәылауаҩра аиуреи аҳәаанырцә тәылауаҩшәҟәқәа рыԥсахреи рызҵаарақәа рзы аконсультациақәа рыҟаҵара шакәу, иара убасгьы Аԥсны иҟоу Урыстәыла ацҳаражәҳәарҭахь рнагаразы адокументқәа реиҿкаара шымҩаԥырго.

Иара убас шәаԥхьар ҟалоит:

Ихадоу атемақәа