АҞӘА, рашәара 27 – Sputnik, Бадри Есиава. Аԥсны Атәылахьчара аминистрра иатәу арратә госпиталь хада аҳақьым хада иԥсҭазаара далҵит асабша, рашәара 27 рзы, абри атәы аанацҳаит аусбарҭа апресс-маҵзура.
Иҟоу адыррақәа рыла, Ачба дшыцәаз игәы аангылеит.
Зураб Ачба диит 1965 шықәсазы Очамчыра ақалақь аҟны, 1989 шықәсазы далгеит Қарҭтәи Аҳәынҭқарратә медицинатә институт ахәышәтәратә факультет.
1992 - 1993 шықәсқәа рызтәи Аԥсны Аџьынџьтәылатә еибашьра даветеранын.
1993 - 1998 шықәсқәа рзы Красноиарск ақалақь аҟны Амедицинатә цхыраара ласы ахәышәтәырҭа аԥҟарҭа аҟәша аординаторс дыҟан. 1998 - 2010 шықәсқәа рзы Гәылрыԥшь араион аҳақьым хадас, Аԥсны Атәылахьчара аминистрра иатәу арратә госпиталь хада ахәышәтәратә ҟәша анапхгаҩы ихаҭыԥуаҩыс дыҟан. 2010 шықәсазы агоспиталь ҳақьым хадас дахагылеит.
Иара убас шәаԥхьар ҟалоит:
-
Згәы разыз, аиаша бзиа избоз ауаҩы: Зураб Ачба игәалашәара иазкны
