SputnikPro авебинар: "Асаит анатомиа", АИХқәа рҟны аинтернет технологиақәа русушьа

Алексей Филипповский
Алексей Филипповский - Sputnik Аҧсны
Анапаҵаҩра
Жәларбжьаратәи аинформациатә маҵзуреи арадиои Sputnik онлаин-сессиақәа мҩаԥнагоит арккаратә программа SputnikPro аҳәаақәа ирҭагӡаны.

Ԥхынгәы 3 асааҭ 13:00 рзы имҩаԥысуеит авебинар абри атемала: "Асаит анатомиа: CMS, абызшәақәа, афреимворкқәа. WEB-технологиақәа аус шԥаруеи?". Онлаин-сессиа аспикер – МИА "Россия сегодня" аинтернет-технологиақәа рцентр анапхгаҩы Алексеи Филипповски.

Алексеи икариера хациркит ВГТРК: редакторс, нас "Вести" жәларбжьаратәи аҟәша деиҳабын. 2016 шықәса раахыс аус иуеит МИА "Россия сегодня" аҿы, Рунет аҿы ажәабжьтә ресурс №1 асаит Ria.ru SMM-ахырхарҭа дахылаԥшуан, 2018 шықәса рзы Алексеи инапхгарала асаит ҩаԥхьа аус еиҭарун. Алексеи Филипповски алекциақәа "Цифровая журналистика" ркурс даԥхьоит МГУ астудентцәа рзы.

© Sputnik Юлия КалининаАлексеи Филипповски
SputnikPro авебинар: Асаит анатомиа, АИХқәа рҟны аинтернет технологиақәа русушьа - Sputnik Аҧсны
Алексеи Филипповски

Онлаин-сессиахь ааԥхьара рымоуп афотоҭыхыҩцәа, абильдредакторцәа, ажурналистцәа, аблогерцәа, АИХқәа рхадацәеи апресс-маҵзурақәа русзуҩцәеи. Ахалархәра зҭаху зегьы заанаҵ аформа хадырҭәаарц аҳәара ҟаҳҵоит. Зыҽҭазҩыз рахь оналин-сессиа алагаанӡа сааҭк шыбжьоу ашәҟәы рзынаҳашьҭуеит уи шәаҭаарц алшара шшәоуа арбаны. Инарҭбаау аинформациа шәоур шәылшоит абри аҭел ала: +7 940 9977022.

SputnikPro — ааигәатәи аҳәаанырцә ажурналистцәа рзы имҩаԥырго рккаратә проект ҷыдоуп.

Апроект SputnikPro урыстәылатәии аҳәаанырцәтәии иреиӷьу амедиаменеџьерцәа, ажурналистцәа, апресс-маӡаныҟәгаҩцәа, аблогерцәа, аиҳабыратә курсқәа рыстудентцәа уҳәа имҩаԥырго асеминарқәеи, амастер-классқәеи, алекциақәеи ирсистемоуп. Адунеи атәылақәа 22 рҟны: Ермантәыла инаркны Индианӡа, Бырзентәыла инаркны Китаинӡа имҩаԥыргахьеит. 2018 шықәса раахыс апроект рхы аладырхәхьеит 80 тәыла рҟынтәи 3000-ҩык алахәылацәа. Иҿыцу ажәабжьқәа Facebook аҟны шәрызҿлымҳаз.

Ажәабжьқәа зегьы
0