22:44 22 Цәыббра 2020
Ишиашоу ицо аефир
  • USD76.27
  • EUR89.48
Аԥсны
Икьаҿу ахьарԥш аиура
6 0 0

Хышықәса рыҩнуҵҟа Аҟәа амшын аҿы аӡсаразы аицлабрақәа мҩаԥыргоит. Дара ирылахәхар ҟалоит адуцәагьы, ахәыҷқәагьы. Ииасыз аԥхынразы имҩаԥысуаз аицлабрақәа ирылахәын 150-ҩык.

АҞӘА, ԥхынгәы 10 – Sputnik, Ренат Ԥачалиа. Адуцәеи ахәыҷқәеи рыбжьара есышықәсатәи аӡсаразы аицлабрақәа мҩаԥысраны иҟоуп Аҟәа, нанҳәа 8 рзы ҳәа аанацҳауеит ақалақь ахадара аҿари аспорти русқәа рзы адепартамент апресс-маҵзура.

Адепартамент адиректор ихаҭыԥуаҩ Есма Кәыҵниаԥҳа илҳәеит аицлабра шымҩаԥгахо аплиаж "Мокко" аҵакыраҿы нанҳәа 8 рзы. Ари раԥхьатәи массатә уснагӡатәуп акарантин ашьҭахь. Ашәҟәҭагалара иалагоит асааҭ 8:00 рзы, аицлабрақәа - 9:00 рзы.

"Адистанциақәа ҩба азԥхьагәаҭоуп. Актәи "SwimSukhum" - ахәыҷқәа рзоуп, 50 - 100 метра инаӡоит. Аҩбатәи "SwimRun" - адуцәа рзоуп, 500 - 1000 метра иҟоуп. Иҟоуп еиҳа ируадаҩу, аӡсареи аҩреи ахьеилагӡатәу адистанциагьы", - ҳәа еиҭалҳәоит Кәыҵниаԥҳа.

Сынтәа апандемиа иахҟьаны аицлабра ҟамлар ауан. Адепартамент адиректор ихаҭыԥуаҩ лажәақәа рыла, ApsnySport-и аилахәыра "А-Мобаили" ҭабуп ҳәа раҳәатәуп ауснагӡатә ахьеиҿыркааз азы. Асеиԥш иҟоу аусқәа атәылаҿы хәыҷгьы-дугьы аспорт аинтерес днаркуеит.

"Иацы ApsnySport асаит аҟны алшара ыҟан аицлабра алахәхараз азыҳәа анашьҭразы. Уажәнатә 30-ҩык рыҽҭарыҩхьеит. Уи агәахәара ҳнаҭоит. Уаанӡатәи ахыԥхьаӡаратә рекорд ҳаиааип ҳәа ҳгәыӷуеит", - лҳәеит Кәыҵниаԥҳа.

Алахәылацәеи ахәаԥшцәеи рзы аплиаж "Мокко" аҿы агәмырҿыӷьратә программа еиҿкаахоит. Иаиааиуа амедалқәеи аҳаҭыртә шәҟәқәеи ранашьахоит.

Иара убас шәаԥхьар ҟалоит:

Ихадоу атемақәа