АҞӘА, ԥхынгәы 23 – Sputnik, Асмаҭ Ҵәыџьԥҳа. Авирус зыдбалоу Ермантәыла атәылауаҩ ҩымчыбжь раԥхьа, ԥхынгәы 9 рзы ареспубликатә хәышәтәырҭахь днанагеит ҳәа арадио Sputnik иазеиҭеиҳәеит ахәышәтәырҭа аҳақьым хада Аполлон Гәыргәлиа.
Аҳақьым хада ишиҳәаз ала, иԥҳәыс Аԥсны датәылауаҩуп. Ахәышәтәырҭахь днеиаанӡа Шәачатәи ахәыәшәтырҭаҿ апанкреатит иманы дышьҭан.
"Ареспубликатә хәышәтәырҭахь днанагеит ахьаа иманы. Иҭагылазаашьа хьанҭан. Агәабзиарахьчара иҟанаҵаз азин ала агемодиализ апрограмма даҵаркын", - иҳәоит иара.
Гәыргәлиа ишиҳәаз ала, акоронавирус азы атест дшахысыз ала ашәҟәы ицмызт. Уи аԥҟарра еилазгаз аҳақьымцәа хазы рус еилыргахоит.
Ачымазаҩ дахьышьҭаз аҟәша адыркуоу иадмыркуоу макьаназ иӡбам.
Аԥсны аҽа ҩыџьа акоронавирустә инфекциа рцәа иалоуп ҳәа адырра ҟалеит ԥхынгәы 22 рзы, руаӡәк, Аԥсны атәылауаҩ уаанӡа Краснодар дышьҭан, аҩбатәи, Ермантәыла атәылауаҩ аԥарарҳаразы Аԥсны дааны дыҟан.
Аԥсны асанитар-епидемиологиатә маҵзура "аепидемҭҵаара" мҩаԥнагоит, авирус змоу ахаҿқәа ирныруаз рышьақәыргылара иаҿуп.
COVID-19 имоуп ҳәа ззышьақәдыргылаз Ермантәыла атәылауаҩ Аԥсны анхараз азин иман, ԥхынгәы 8 рзы ишьақәыргылоу аԥҟарала Ермантәыла атәылауаҩ Аԥсны аҵакырахь иалалара азгәаҭоуп. Убри аан иара ицын иааиԥмырҟьаӡакәа Аԥсны инхара алзыршо азиншәҟәи Аԥсны ААР инаҭаз ахынҳәразы азини ҳәа Sputnik иазеиҭарҳәеит Аԥсны Ашәарҭадаратә маҵзураҿы.
Иара убас шәаԥхьар ҟалоит:
- Арҷелиаԥҳа ареспубликатә хәышәтәырҭа аусзуҩцәа рхымҩаԥгашьазы: агәҽанызаара маҷхеит
-
Аԥсны иҟоу акоронавирус хҭыс ҿыцқәа рзы аепидемиологиатә ҭҵаара мҩаԥысуеит
