АҞӘА, ԥхынгәы 23– Sputnik, Сариа Кәарцхьиаԥҳа. COVID-19 имоуп ҳәа ззышьақәдыргылаз Ермантәыла атәылауаҩ Аԥсны анхараз азин имоуп ҳәа иҳәеит Sputnik акорреспондент дзыҿцәажәаз Аԥсны АШәМ Аҳәаахьчаратә отриад аиҳабы Рустам Латипов.
"Ԥхынгәы 8 рзы ишьақәыргылоу аԥҟарала Ермантәыла атәылауаҩ Аԥсны аҵакырахь иалалара азгәаҭоуп. Убри аан иара ицын иааиԥмырҟьаӡакәа Аԥсны анхара алзыршо азиншәҟәи Аԥсны Адәныҟатәи аусқәа рминистрра инаҭаз ахынҳәразы азини", - ҳәа азгәеиҭеит Латипов.
Ареспубликатә хәышәтәырҭахь дааргеит уаанӡа илаҽыз ачымазара ахы анцәырнага, уи ашьҭахь иуацәа иҟарҵаз аҳәарала Шәачаҟа дышьҭын, иара уброуп COVID-19 шимоу ахьаарԥшхазгьы.
Аԥсны аҽа ҩыџьа акоронавирустә инфекциа рцәа иалоуп ҳәа адырра ҟалеит ԥхынгәы 22 рзы, руаӡәк, Аԥсны атәылауаҩ уаанӡа Краснодар дышьҭан, аҩбатәи, Ермантәыла атәылауаҩ аԥарарҳаразы Аԥсны дааны дыҟан.
Аԥсны асанитартә-епидемиологиатә маҵзура "аепидемҭҵаара" мҩаԥнагоит, авирус змоу ахаҿқәа ирныруаз рышьақәыргылара иаҿуп.
Иара убас шәаԥхьар ҟалоит: