23:51 26 Цәыббра 2020
Ишиашоу ицо аефир
  • USD76.82
  • EUR89.66
Аԥсны
Икьаҿу ахьарԥш аиура
15 0 0

Агәабзиарахьчара аминистр Ҭамаз Ҵахнакьиа иажәақәа рыла, нанҳәа 27 рызтәи аҭагылазаашьала Лабра ақыҭаҿы 12-ҩык акоронавирустә ҿкы чымазара злоу аарԥшуп.

АҞӘА, нанҳәа 28 - Sputnik. Очамчыра араион абылреиқәырхаратә ҟәша аусзуҩцәа Лабра ақыҭан арзҩыдарақәа мҩаԥыргеит, абри атәы аанацҳауеит аусбарҭа апресс-маҵзура.

Адырраҭараҟны иазгәаҭоуп арзҩыдаратә ӡшьарқәа рыла акоронавирус зыҟны ирыԥшааз ақыҭауаа рыҩнқәа, иара ауаа рацәа ахьеизо аҭыԥқәа дрыцқьеит.

© Foto / МЧС РА
Аԥсны АҶА аусзуҩцәа Лабра ақыҭан акоронавирус зыхьыз рыҩнқәеи ауаа рацәа ахьеизо аҭыԥқәеи рҿы арзҩыдарақәа мҩаԥыргеит

 

Нанҳәа 25 рзы Аԥсны агәабзиарахьчара аминистрреи Асанитартә епидемиологиатә станциеи Лабра ақыҭан 14-мштәи акарантин аларгалеит, акоронавирус ззышьақәыргылаз Лабра ақыҭанхаҩы иԥсҭазаара даналҵ ашьҭахь.

Нанҳәа 27 рзы 30-ҩык инарзынаԥшуа ақыҭауаа ақыҭа амҩақәа руак аҟны амитинг аҿы еизеит. Дара агәынамӡара аадырԥшуан акарантин азы рқыҭа ахьадыркыз. Дара аԥкрақәа аԥыхны ақыҭа уалызго амҩа аадыртыр рҭахын, ианамух, ахәшәқәеи афатәи-ажәтәи ауаа ирзыршарц адҵа ҟарҵон. Амитинг сааҭқәак ицон. 

Ақыҭауаа еимпит агәабзиарахьчара аминистр Ҭамаз Ҵахнакьиа ианиацәажәаз ашьҭахь. Иара иажәақәа рыла, нанҳәа 27 рызтәи аҭагылазаашьала Лабра ақыҭаҿы 12-ҩык акоронавирустә ҿкы чымазара злоу аарԥшуп.

Нанҳәа 27 рызтәи аҭагылазаашьала Аԥсны ахьынӡанаӡааӡо COVID-19 зыхьхьоу 295-ҩык ыҟоуп. Урҭ рахьтә 117-ҩык ргәы бзиахахьеит, 4-ҩык рыԥсҭазаара иалҵит.

Иара убас шәаԥхьар ҟалоит:

Ихадоу атемақәа