АҞӘА, цәыббра 13 – Sputnik. Аԥсны Жәлар Реизара - Апарламент ахь Бзыԥтәи алхратә ҭыԥ хада №10 аҟны аиҭалхрақәа 15:00 рзы ауаа рааишьа иартәеит 30,42% алхыҩцәа. Убри атәы аанацҳауеит Аԥсны алхратә комиссиа хада.
Аиҭалхрақәа шьақәгыларц азы урҭ рхы рыладырхәроуп 25% алхыҩцәа.
Аԥсны Жәлар Реизарахь алхрақәа мҩаԥысит ԥхынгәы 12 рзы.
Аихшьаалақәа инарықәыршәаны:
- Гәдоуҭатәи алхырҭатә ҭыԥ хада №18 аҟны депутатс далхуп Алхас Ҳагба,
- Оҭҳаратәи алхырҭатә округ №14 аҟны – Алмасхан Барцыц,
- Кындыӷтәи алхырҭатә округ №31 аҟны – Гарри Кокаиа.
Аиҭалхрақәа азгәаҭан Бзыԥтәи алхратә ҭыԥ хада №10 аҿы, Ҭемыр Беиеи Ҭамаз Леибеи кандидатс иахьықәгылаз, рҩыџьагьы иазхоз абжьқәа ахьырмоуз азы.
Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.
Иара убас шәаԥхьар ҟалоит:
-
Кәакәасқьырԥҳа Бзыԥтәи алхырҭатә ҭыԥ хадаҟны Апарламент ахь аиҭалхрақәа рзы: ҳрызхиоуп
