08:59 23 Жьҭаара 2020
Ишиашоу ицо аефир
  • USD77.08
  • EUR91.36
Аԥсны
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (789)
22 0 0

Аԥсны атәылауаҩ Шәачатәи аҿкчымазаратә хәышәтәырҭа №2 ахь днаган асанитартә авиациа ахархәарала.

АҞӘА, жьҭаара 4 - Sputnik. Адиагноз COVID-19 ззышьақәыргылаз Аԥсны атәылауаҩ иԥсҭазаара далҵит Шәачатәи аҿкчымазаратә хәышәтәырҭаҿы ҳәа адырра ҟанаҵоит Краснодартәи атәылаҿацә ахадара апресс-маҵзура.

38 шықәса зхыҵуаз апациент ахәышәтәырҭахь данааргоз даара дхьанҭан.

Аҳақьымцәа ирылшоз зегь шыҟарҵазгьы, ахаҵа изимыхәеит. Ачымазаҩ акоронавирус аформа ӷәӷәа иман, иара убас ҩ-ганкахьалатәи агәаҵәкреи ашьақәыӷәӷәара ҳараки шимаз шьақәырӷәӷәан.

Аҵыхәтәантәи уахыки-ҽнаки рыла Краснодартәи атәылаҿацә аҟны рыԥсҭазаара иалҵит акоронавирус зцәа иалаз ҩыџьа апациентцәа. апандемиа ҟалеижьҭеи Ҟәбан иахьаҵанакуа COVID-19 иахҟьаз аԥсыҭбарақәа 291 ыҟоуп.

Иахьазы Аԥсны иахьаҵанакуа акоронавирус рыдырбалахьеит 1659-ҩык ауааԥсыра. Урҭ рахьтә ргәы бзиахеит 602-ҩык, 13-ҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Ихадоу атемақәа