22:21 25 Абҵара 2020
Ишиашоу ицо аефир
  • USD75.47
  • EUR89.89
Аԥсны
Икьаҿу ахьарԥш аиура
17 0 0

Идырым ахаҿы Жәыргьыҭ агәаны абанк аҿы ауаа шасыс игеит жьҭаара 21 рзы. АИХқәа рдыррақәа рыла, иара хҩык атҟәацәа иманы Аԥсны аганахь ддәықәлеит.

АҞӘА, жьҭаара 22 - Sputnik, Асмаҭ Ҵәыџьԥҳа. Аԥсны Ашәарҭадаратә хеилак иаздырӡом Жәыргьыҭ шасыс ауаа згаз ацәгьоуҩы Аԥсныҟа амҩа дықәу дықәму иҳәеит Ашәарҭадаратә хеилак амаӡаныҟәгаҩ Сергеи Шамба, Sputnik аинтервиу аҭо.

Иҟоу дыррақәак рыла, ацәгьоуҩы Аԥсны аганахь ихы ирхеит.

Гал араион ахада Константин Ԥлиа иара убас иазгәеиҭеит ацәгьа зуз Аԥсны аҳәаа дышзахымсуа.

Абџьар зыҟәныз ахаҵа Жәыргьыҭ абанк аҟны жьҭаара 21 рзы шьыбжьон 40-ҩык иреиҳаны ауаа шасыс игеит, иара миллионбжак доллар ирҭарц адҵа ҟаиҵоит ҳәа аанацҳауеит Sputnik Қырҭтәыла.

Сааҭла имҩаԥысуаз аиҿцәажәарақәа рышьҭахь, асааҭ 22:00 рзеиԥш, хҩык ашасцәа рышьҭахь иҽыҵәахны, ахыбра дыҩныҵит.

Уажәазы абанк аҩнуҵҟа иитҟәаз 43-ҩык ашасцәа рхы иақәиҭтәуп, аполициа дара ишәарҭам аҭыԥ ахь инаргеит. Ацәгьоура ахьыҟалаз аҭыԥ аҿы ашьаусԥшааратә усмҩаԥгатәқәа ирҿуп ҳәа аанацҳауеит Қырҭтәыла аҩнуҵҟатәи аусқәа рминистрра.

Ауаа зӷьычыз ауаҩы дахьыҟоу макьана еилкаам, уи шасыс иигаз ауаагьы ирызку аинформациа ыҟам. 

Ихадоу атемақәа