03:47 03 Ԥхынҷкәын 2020
Ишиашоу ицо аефир
  • USD75.62
  • EUR91.31
Аԥсны
Икьаҿу ахьарԥш аиура
22 0 0

Изаамҭанытәим Аԥсны Апарламент аилатәара мҩаԥган урыстәылатәи АИХқәа рҿы ицәырҵыз Ԥсоу аӡиас Аибга ақыҭа иахьаҵанакуаз ацҳа хырҵеит ҳәа адырра иҟарҵаз.

АҞӘА, абҵара 10– Sputnik, Бадри Есиава. Аԥсны Апарламент Аԥсны Адәныҟатәи аусқәа рминистрреи Аԥсны Аҳәынҭқарратә шәарҭадаратә маҵзуреи рнапы ианнаҵеит Аибгатәи ацҳазы аҭагылазаашьа ҭырҵаарц ҳәа Sputnik акорреспондент иеиҳәеит адепутат Илиа Гәниа.

"Ҳара аинформациа ҭаҳҵааит. Еиқәшаҳаҭрада урыстәылатәи аганахь ала ацҳа аӡы ихҵоуп. Ацҳа ахҵара ҵаҵӷәык аманы иаабом. Азҵаара ҳаналацәажәа ашьҭахь Аԥсны Адәныҟатәи аусқәа рминистрреи Аԥсны Аҳәынҭқарратә шәарҭадаратә маҵзуреи рнапы ианаҳҵеит Аибгатәи ацҳазы аҭагылазаашьа ҭырҵаарц. Еиқәшаҳаҭрада ацҳа зыхҵаз.  Аҳәынҭқаррабжьаратә комиссиа аӡбра ада уи зынӡа иҟаломызт",- иҳәеит иара.

Гәниа иазгәеиҭеит аилатәарахь ишнаԥхьаз Аԥсны Ашәарҭадаратә хеилак, Адәныҟатәи аусқәа рминистрра, Ашәарҭадаратә маҵзура, Апрокуратура хада рхадацәа.

Аибга Ԥсоу аӡиас ахахьы иҟоу қыҭоуп, ҩбаны еиҟәшоуп Урыстәылеи Аԥсни рыбжьара. Ақыҭа 840 метра аҳаракыраҿ иҟоуп. Иахьазы аԥсуа ган аҿы инхоит шәҩык рҟынӡа. Урҭ зегьы Урыстәыла иатәылауаауп.

2020 шықәса нанҳәамза анҵәамҭазы Апарламент адепутатцәа рделегациа ақыҭа Аибга иаҭаан иҟан. Апарламентарицәа ақыҭауаа рыԥсҭазаара  иазҵаауан иахәаԥшуан аԥсуа ҳәаахьчарҭатә ҭыԥ аргылара шцо, Гагрантәи уахь иҩеиуа амҩа аҭагылазаашьа.

Ихадоу атемақәа