10:41 20 Ажьырныҳәа 2021
Ишиашоу ицо аефир
  • USD73.72
  • EUR89.21
Аԥсны
Икьаҿу ахьарԥш аиура
16 0 0

Азинеилагаҩ даанкылан аушьҭырҭатә ҭыԥ "Адлер" автомашьынамҩасырҭатә цәаҳәаҿы Урыстәыла аҵакыра даналҵуаз.

АҞӘА, ԥхынҷкәын 29 - Sputnik. Краснодартәи атәылаҿацә Адлер араионтә ӡбарҭа Аԥсныҟа "алирика" алазгалоз Урыстәыла атәылауаҩ дарбаандаҩит ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.

Азинеилагаҩ даанкылан аушьҭырҭатә ҭыԥ "Адлер" автомашьынамҩасырҭатә цәаҳәаҿы Урыстәыла аҵакыра даналҵуаз. Хаҭалатәи игәаҭараан идбалан 69 капсултә таблетка "Лирика".

"Лирика" Урыстәыла аиҳабыра рықәҵара 2019 шықәса лаҵара 27 рзы анапы зҵанаҩыз ақәҵара инақәыршәаны "Урыстәылатәи Афедерациа АЗ ахәҭаҷ 234 егьырҭ ахәҭаҷқәа ирзырхоу анырра ӷәӷәа ҟазҵо амаҭәашьарқәа рсиа" иаҵаркуп.

Атәылауаҩ ахара идҵоуп Урыстәыла АЗ ахәҭаҷ 226.1 ахәҭа 1 инақәыршәаны ацәгьара иуит ҳәа (анырра ӷәӷәа ҟазҵо амаҭәашьар аконтрабанда). Аамзы аҭакра иқәҵоуп азеиԥш режим иатәу ариашаратә колониаҿы. Аӡбарҭа аӡбамҭа амчра аиуит.

Иара убас шәаԥхьар ҟалоит:

Ихадоу атемақәа