АҞӘА, хәажәкыра 11 - Sputnik. Аԥсны ААР аусзуҩцәа акриптоферма ду аадырԥшит Очамчыра араион Аҽгәара ақыҭан ҳәа аанацҳауеит Аԥсны ААР апресс-маҵзура.
Акриптоферма уаҩ дзыҩнамыз хатәы ҩнык аҿы ирыԥшааит агәаҭарақәа рымҩаԥгараан. Амаининг-аппаратқәа актәи аихагылаҿы игылан, аҩбатәи аихагылагьы рықәыргылара иазырхиан.
Зынӡа 471 аппарат ыҟан. Амилициа аферма фымцалашарала еиқәзыршәоз атрансформатор аҿырхит, амҳәыр аадырхеит.
Аԥсны ААР аҿы ирҳәеит аҳҭнықалақь аҿы аусбарҭақәа ртехникатә хыбрақәа, аҩнеихагылақәа, агаражқәа, ахатә ргыларақәа рҿы аимдарақәа шымҩаԥырго.
Адырраҭараҿы иазгәарҭеит Гагра араион аҿы уаанӡа иаҿыхыз аобиектқәа рҿы еилагара ыҟам ҳәа.
Иара убас шәаԥхьар ҟалоит:
-
"Амшынеиқәафымцамч" 2,5 МВт зылшара ыҟаз акриптоферма аҿырхит
-
Кәарҷиа абиткоин азы: афеида аҵоуп, аха уи аамҭалатәуп
